الموضوع: حاااااااااضر
عرض مشاركة واحدة
رقم المشاركة : ( 1 )
الصورة الرمزية عماد حسنى
عماد حسنى
شاعر المنتدى
عماد حسنى غير متواجد حالياً
 
رقم العضوية : 624
تاريخ التسجيل : Jun 2007
مكان الإقامة :
عدد المشاركات : 9,092
عدد النقاط : 34
قوة التقييم : عماد حسنى is on a distinguished road
حاااااااااضر

كُتب : [ 01-13-2009 - 03:27 AM ]


حاضر

اشكى لمين خلى حزنى جوه قلبى
وتفيد بأيه الشكوى وشكوايا بتزود عليا همى
النصيب قوى وغلبنى .. وكل غالى منىّ راح
حتى الزمن قدر يصبنى .. وملى قلبى بالجراح
أقول يا حب مش مالكه إيدى
والزمان يأسى اقول يا سيدى
واقوله حاضر يا زمانى
أبنى فيا وهد من تانى ..
يسبنى أبنى واعلى فى سراب .. والآقيه يرمينى من فوق السحاب
يحفر على جبينى خطوط العذاب .. يرسملى خريطه مفهاش اى باب
وافضل تايه فى ليالى حيرانه .. وارفع فى نفسى وهى تعبانه
وافضل ابكى وابكى بدموع .. وتنحنى من تانى نفسى بوجوع
واقول يا زمانى حقك عليا .. مش هاعشم تانى فى الكتير عليا
اقوله حاضر يا زمانى حاضر .. وانا ابقى أيه هافضل صابر
دوس على دموعى مايهمكش احساسى .. خليك جبار ظالم قاسى
اتعودت عيك تاخد ماتديش .. اتعودت لما تدى يطلع مفيش
اتعودت حلاوتك طعمها مرار .. كل جمايلك بتبقالى دمار
اتعودت عليك تبصلى ّ وبس .. اتعودت خلاص مش بيا تحس
حاضر يا زمانى حاضر ... أتعب فيا وهاقولك حاضر
زيد فأسيه هاقولك حاضر ... تعالى عليا هاقولك حاضر
مش هتلاقى منىّ رد ... مش هتلاقى جمبى حد
لوحدى اهو وهاسلم ليك ... بس هات م الاخر بجد
مش هتلاقى فيا روح ... مهما تجيب فى ألم وجروح
هتلاقى واحد عايش وخلاص ... واحد عادى صدقنى ميسواش
هات احزانك ولا يهمك يا زمان ... اصلك مش هتلاقى فيا كيان
كل اللى عندك هاته عشانى ... مش فارقه مخبيلى ايه من تانى



رد مع إقتباس
Sponsored Links