[بونبونه سكر]

انا عايزه كمان اقول حاجه بمناسبه الكلام ده فيه حاجه عايزه اتكلم فيها معاكو وبصراحه مجننانىليه البنت بتتعرض للبيع من أهلها لما يجي عريس ويبقوا عايزيين يتخلصوا منها ، والبيت يرفع حالة حظر فى انتظاره ، ويستحموا ويتشيكوا كأن "العيد جانا" ، أما البنت عليها أن تظهر فى اجمل صورة ، وكل المحظورات مباحة بالمقارنة بالأيام اللي بتنزل فيها للجامعة كله فيها ممنوع زي الهدوم الضيقة والماكياج ، لكن دلوقتى كله مصرح بيه ، ودا طبعاً علشان خاطر عيون التاجر اللي جاي يفحص .. مين أده تاجر شاطر
وطبعا بعد ما الباشا يجي ، ويجيب معاه الميكرسكوب البصاص اللى هي امه طبعاً والله أعلم الواحد حظه هيقع على ايه ، يا نعجب أو منعجيبش وفى الحالتين بيبقي منظر البنت مش كويس لأنها حاسة ان فى واحد بيتفرج عليها ، وبتتصرف على غير طبيعتها ومطلوب منها الابتسامة ،وفي الاخر يتوقف الاختيار على الراجل هو اللى يحدد ايوة ولا لا .. وممكن يفضل معلق الناس لحد ما يشوف عروسة تانية وتالتة وينقي منهم، كل شوية يختفى ويرجع ويقولها نفكر شوية وفى الآخر طلع بينقي كأنه واقف فى سوق الخضار.
علشان كدة فكرت في فكرة ممكن كتير من الأمهات متوافقنيش عليها ، ليه البنت كمان ميبقاش من حقها أنها تتقدم وتخطب أي شخص عجبها زيها زي الراجل ، أو تبعت حد يلفت نظره ليها هى مش من حقها تختار ، محدش يقولي كرامة البنت لأن كدة كدة كرامتها ضاعت فى طريقة الجواز اللى بيسموه صالونات ودا طبعاً من وجهة نظري.انتو ايه رايكو