[emmmy]

برأيكم ماذا يمكن للأهل ان يقدموه بديل لأولادهم عن الميديا و به يستطيعون أن يبنوا شخصيتهم؟؟

موضوعك رائع يا ريم هايل يا دكتورة وفكرتة فى غاية الاهمية حقيقى
التليفاز شاشة صغيرة لكنها تحمل الكثير والكثير لها ايجابيات وسلبيات كتيرة جدا - ولكن السلبيات اكثر واكثر ويطول الكلام فى فيها اذا ذكرتها
انا عاوزة امسك فى نقطة محددة دلوقتى واتكلم فيها
ازاى احافظ على ابنى وبنتى من السم القاتل المختبئ وراء هذة الشاشة الصغيرة
ودة هيكون ردى على سؤالك الذى اقتبستة
تفتكرى يا ريم انا اقدر امنع ابنى من انة يتفرج على التلفزيون ؟؟
اكييييد لأ - صعب وبل مستحيل !! طيب اقدر احدد انا اية اللى يناسبة واخلية يتفرج علية من برامج اطفال ومسلسل كومدى بسيط وو -----والخ
بردوا صدقينى صعب لان الممنوع مرغوب والطفل ذكى وخصوصا لو الام استخدمت اسلوب مكشوف بالرفض لاشياء معينة وبرغم انها صححح فى المبدأ لكن طريقتها الغلط بتضيع كل مجهودها ومحاولاتها بتتقابل بالفشل والعناد والاصرار من الاطفال ولو مقدروش يعملوا دة من قدامها هيعملوة من وراها - ودى كارثة اكبر
انا عاوزة اوصل ليكى ولكل قارئ لموضوعك الرائع دة
ان الام تحاول تتعامل مع المشكلة دى بهدوء وحمكة وصبر ويقظة
اقولك على مثال بسيط ...
دلوقتى انا عندى زجاجة دواء - مينفعشى احطها قدام ابنى واقولة متشربش منها يا حبيبى دى وحشة - ولو مسمعشى كلامى وجة بعد شوية مسكها اضربة
لأ طبعا دة هيكون غباء من الام انا عارفة ان طبيعة الطفل انة هيمسك زجاجة الدواء ويفتحها مهما حذرتة وخصوصا انى منعتة عنها فهيزيد عندة الفضول لمعرفة ما هو ممنوع - اذا اشيلها من قدامة خالص لانة معندوش الوعى اللى بية يحدد اية الضار واية النافع
كذلك يكون التعامل مع ابنى لو لاحظت انة بيتفرج على حاجة مش كويسة مقولوش قوم اية دة اللى انت مشغلة دة واقفل التيلفاز واتنرفز والابن مش فاهم لية كل دة من اساسة - ولحد سادسة ابتدائى واولى اعدادى صدقينى ولا يستوعب اية المشاهد الخليعة والعرى سوى مجرد مشاهد غريبة عنة اضرارها تظهر فيما بعد - اذا الام تتعامل مع ابنها على انة طفل برئ ولا تتهمة بقلة الادب وغيرة من التعبيرات اللى ميقصدهاش ولا يعرفها من اساسة
انا هحاول اشغل ابنى بطريقة مش مباشرة من غير ما يفهم قصدى انادى علية واجذب انتباة لحاجة تانية -
ولو فرضنا مثلا هقولة - تعالى يا حبيبى اوريك حاجة انا عملتها عاوزة اخد رايك فيها - او يلا نخرج نتمشى سوا - او موضوع عاوزة اتكلم معاك فية اية رايك فى كذا وكذا هلاقى ابنى يسيب كل حاجة وينتبة لى لانة شاعر بالحب منى وبيستمع باحترامى لية ولشخصة وراية والحوار معاة

عارفة يا ريم الكارثة الكبرى اوى اوى اية عارفة حقيقى اية اللى يحزن
ان الابن يقعقد مع بابا وماما وهما بيتفرجوا على الافلام اللى تقرف وبيكونوا مبسوطين وبيضحوا جدا دة الكبار كمان وعلى سبيل المثال افلام عادل امام لو تعرفية منتهى منتهى الأقرف والاولاد معاهم بيراقبوا تعبيرات ابائهم وفرحتهم بفكرة الفيلم ونكت البطل - عاوزهم يطلعوا اية بقى بعد دة
الانبا انطونيوس ولا مارجرجس - بجد حاجة تحير