من كلمتين
من كلمتين .. كأنى أعرفك بقالى سنين
من كلمتين .. نسيت أنا مين فى غمضه عين
بقيت استناكى مش عارف ليه .. أسال نفسى وحالى دا أيه
كل اللى حاصلى عايز أسلم .. شعورى خلانى اتلكيك واتكلم
عايز أقولك جوايا أحساس .. تقابلى قلب تعبان حساس
عايز أقولك بدور عليكى.. عايزك تعرفى احساسى ليكى
عايز أكون دايماً وياكى .. بحس براحة غريبة معاكى
بنسى آهاتى وانسى حياتى .. بفكر بس أمتى القاكى
امتى أدخل جوه عينيكى .. تحسى برعشه أيدى فى أيديكى
بشوفه حلم كل دقيقه .. أن انتى ملاكى معايا حقيقة
أيوه أنتى حلم العيون .. حلم قلب عاشق مجنون
قلب شاف كتير عذاب .. ولما حسك من دقاته داب
اصل انتى عرفتى تخدينى .. بكل سهوله ملكتى حنينى
بقلبك وبطيبتك بكلك أسرتينى .. ألف حاجه لوصفك مش هاتكفينى
عايز اقولهالك وخايف تعذبنى .. نفسى تسمعيها ومين يساعدنى
دى كلمه من قلبى نفسى تعرفيها .. ولو مش بالكلام هاسيبك تحسيها
.......................................
حاجه كده سريعه اوى يارب تكون حلوه