بحبك
حبيبتى يا عمرى أنتى فين .. وحشتينى بس من غياب ساعتين
أعيش ازاى وأكلم مين .. وأنتى معاكى الروح والعين
حبيبتى وحشتينى تعاليلى قوام .. مستنى أسمع أرق سلام
مستنى تجيلى وتخدينى تانى .. تودينى مكانى أصلك وحشانى
حبيبتى مش لاقى كلام يعبر .. فى كل دقيقه بحبك أكتر
بحبك حب أكيد عرفاه .. بشربه وبدوقه وبتنفس فى هواه
أنتى عملتى فى قلبى ايه .. نهارى وليلى معاكى بقضيه
كلمه بحبك هاتساوى أيه .. قدام قلبك اللى دبت فيه
حبيبتى يا نبع الرقه والاحساس .. أنا لعنيكى سلمت خلاص
أنا ملكك مش هاسيبك ثانيه .. هابقى معاكى لأخر الدنيا
بحبك وياريتك تكونى سمعانى .. وتردى عليا وتقوليها علشانى
بحبك يا ساكنه روحى وكيانى .. بحبك ولسه هاحبك تانى
--------------
الشعر البسيط اوى اوى ده اهداء الى اخى العزيز مانو
بس معلش يا مانو هو اهداء برده لحد تانى بعد اذنك
يارب يعجبك ويعجبكم