رد: مشكلتى مشكلة عاوزة الحل ارجوكم
كُتب : [ 03-14-2010
- 04:40 PM
]
الاخت روسي ... من بعد التحية ...
المشكلة اللي طرحتيها هي مشكلة اهلك وليست مشكلتك وهي مشكلة كتير من البيوت في العالم باكمله ,
بس حابب الفت نظرك لكم ملاحظة ,, وهي:
- اولا.. اهلك مش ضدك ولا تصدقي انو الاهل يكونو ضد ابنائهم نهائيا ,
- ثانيا .. المشكلة في الاساس هي عند والدك اللي سمح لماما تتمادا بالاساس بهيك الفاظ سوائا بحضوره او بغيابه ,
والحل برائيي :
1- أنك تصنعي المحبة في البيت لانو بوجود المحبة منقدر نتجاهل عيوب الغير حاولي مع باباكي انو يزيد جرعة الغناج والدلال شوي للماما .
( واللي فهمته منك انو بباكي عندو وقت كتير فاضي يقضيه بالببيت وهاد كفيل بزيادة الخلاف والنصيحة انو يحاول يملي فراغه برات البيت بشغل اضافي او بقهوة او احد المتنزهات او مع الاصحاب )
2- مش تحاول بس .لازم تكوني صديقة البابا وانتي اللي تتحركشي فيه لتلبية رغباته ومتتلباطه بالبيت من اي شي بيخطر ع بالك وبالو ضمن نطاق امكانية البنت اللي بتحب بباها , وممكن هالشي يحرك غيرة مامتك بتغيير اسلوبها او يساهم بتخفيف التصادم بين الاثنين
3- وتخبري اخوكي بالموضوع منشان يتصرف مع مامتك متل ما انتي بدك تتصرفي مع والدك منشان ما تكون لحالا ووحدانية
- وان شاء الله يكون هاد الحل الاسلم لكل الاطراف ..... واللي بدي منك انو ما تنسي ان الزمن كفيل بحل كل مشكلة بس الاهم ما نهرب ونحاول نلاقي الحلول
وانا عن قصد كتبت كلمة ( حلول ) بصيغة الجمع لاني الطبيعة الانسانة غير متشابهة بالتفكير يعني ممكن تلاقي هاد حل أمثل لهذه المشكلة لشخص معين
وانو حل تافه بالنسبة لشخص تاني ....
وهي مشاركتي الاولى بهالمنتدى انشاء الله اقدر اخدم من هو بحاجة ولو بالكلمة لان الكلمة هو الله والله هو الكلمة .
حررت : سوريا . اللاذقية . الساعة : 16:30 م بتاريخ 14\3\2010
بكل محبة اخوكي : mno-z
|