[عماد حسنى]

ذكرى جميله


ذكرى جميله فى عمرى بيعشها .. بعقلى وقلبى وكل مشاعرى
أيام عيدك لما بشوفها .. بلاقى الفرحه يا عدرا تملى

ايام حلوه على مواعيدها .. م السنه للسنه مستنى ميعادها
مليانه سلام وكمان الحان .. صوتى بيقولها وقلبى يعيدها

ايام حلوه فيها بنول .. نعمه وبركه من ام بتول
بشوف بعينيا وكل ما فيا .. نهر عطايا بيفيض على طول

ايام حلوه بتمحى همومى .. حتى مشاكلى وكل تجاربى
تبقى الذكرى راحه لبكره .. فى اوقات صعبه الاقيها تعزى

ايام حلوه وذكرى جميله .. جوه قلوبنا ومالكه علينا
كل ما نملك لينا نهديها .. اصل العدرا دى ضى عينينا

المصدر: †† ارثوذكس †† - من قسم: القسم الادبي