الموضوع: حوار مع النفس
عرض مشاركة واحدة
بياناتي
 رقم المشاركة : ( 13 )
asmicheal
ارثوذكسي بارع
رقم العضوية : 44443
تاريخ التسجيل : Dec 2008
مكان الإقامة : مصر الغالية ام الدنيا - القاهرة
عدد المشاركات : 1,849
عدد النقاط : 15

asmicheal غير متواجد حالياً

افتراضي رد: حوار مع النفس

كُتب : [ 09-19-2010 - 04:33 PM ]


اقتباس
المشاركة الأصلية كتبت بواسطة عماد حسنى مشاهدة المشاركة
حوار مع نفسى



هو انت بتحلم بأيه
يا عم ماكفايه أحلام !!
اللى راح ولا اللى جاى
كلهُ بقى اوهام ..

هاتنسى القديم بجديد
مالقديم كان جديد زمان
هو انت ناسى انك
انسان بلا انسان ..

انا بجد زهقت منك
لأمتى هاتكون تعبان
لأمتى هاتبقى حزين
ولامتى هاتفضل خسران ..

كتير اللى بعدوا عنك
وهابعد انا كمان
خلاص مش هابقى منك
مش هاكتملك جوايا بركان ..

مش قادر تواجه نفسك
أصلك أنسان جبان !!
هاضغط واجرح مشاعرك
مانت اتعودت تتهان ..

يمكن تراجع نفسك
او يمكن تكون غلطان
يمكن تعرف تعيش
او حتى تعرف تنام ..

عايز ايه م الدنيا ؟؟
عايز ايه من الناس؟؟
أيه مخليك بتموت
وأيه بيجبرك تنداس ..

حب ؟؟ ياسيدى ماشبعنا احساس
كرامه ؟؟ كل سنه وانت طيب خلاص
اوعى تقولى مشاعر
او يتهيألك أخلاص ..

او تقولى تفكير ورا تفكير
او الحمل عليك تقيل
او تقولى الليل مابيمشيش
بتستناه مابيعديش ..

هافوقك لو هاتموت
هو انت كده انسان !!
دانت حلال فيك الألآم
دانت موتك أحسن ماتعيش ..
!!!!

طب جربت تصلى !! مارضيتش
طب حتى تغنى !! مانفعش
طب وانت بتحكى !! ماريحش
طب حاجه تطمن !! مابتطمنش

طب هاقولك كلمه اخيره
اصلى تعبت كل ليله
وحاولت أاسى عليك
لقيت اللى فيك مكفيك

ومش هاين عليا أجرحك
مانا شايف اللى بيدبحك
هاخدك من إيديك ونروح
هانروح للمسيح يريحك ..

اصل مش بأديك أى حاجه
منا معاك فى كل حاجه
هاخدك وناخد حزننا
وهو باحضانهُ هيضمنا ..

جربها وأخر مره
انا عارف حياتك المره
هانخدلهُ كل جراح
جرب مايمكن ترتاح ..

مكسوف ومليان بالحيره
وذليل وذنوبك تقيله
هانروحله مكسورين
وهانشوف .. هو مين

اصلك أقل الناس؟
ده فى نظر القليلين
لكنه هايحن عليك
وهاتحس انك ثمين ..

ده يسوع الأب
ده الفادى الأمين
ده نبع الحب
اللى بايدهُ بيمسح
كل عين

_____________



المرة دى ممكن تزعل من رايى استاذ عماد


مع كامل احترامى لادبك واتضاعك

لا تعجبنى ابدا
احساس الانسان انة لا شيىء
وانة اقل الكل على المطلق

اعلم ومتاكدة انى لوحدى بدون الله لة كل المجد

تراب ورماد وبماذا افتخر
لكن اعلم ايضا على قدم المساواة
ان هذا التراب والرماد

اغلى بعيون الله تعالى قدرة
من كل خليقتة من ملائكتة وسمواتة وكل عظمة سلطان مجدة

وحين ارفع وجهى للسماء اطلب اللة
امتلا بكل قوة
وبكل مجد ابنة الملك

ولا يمكن ان اقلل من وزنات منحها لى اللة
شكرا لة
لكن ارجع لة كل المجد

لانى لن اتعاجب بما لا استطيع خلقة
فالهى خالقى
اشكرة واعيد لة كل المجد
بلا تقليل او تضخيم فى ذاتى
ولا احساس بالانكسار والتهميش والتهشم

لان الهى يرفعنى بمحبتة فوق كل خليقتة

لة كل المجد والشكر




رد مع إقتباس