سلام ونعمة
ازيكم يارب تكونوا بخير
انا عايزة اخد رائيكم في حاجة مهمة
انا السنة اللي فاتت يوم 2/2/2013 اتخطبت و كانت خطوبة سودة انا كنت مخطوبة لمهندس بس كل تصرفاتة كانت تقول انة مريض نفسيا ومش طبيعي واستحالة انة يكون مهندس ابدا
معندوش اي نوع من الذوق ولا الاخلاق و لا الاتيكيت ولااي حاجة خالص غير انة كان شكاك بطريقة اكتر من الرهيبة و الفظيعة لدرجة انة كان حاطط لي برنامج تجسس علي الجهاز و كان يصحيني من 6الصبح ويفضل فاتح الخط علي الموبيل و كذلك بليل حتي لوهموت وانام مش بيتكلم في حاجة لمجرد بس انة يكون ضامن اني مربوطة كدة جنبة ومش بعمل حاجة لاكان بيقدراني عايزة انام ولااني عندي شغل و لاان ليا اهل ولاانة مينفعش كدة وانا مش حابة كدة
ارقام اصحابي من موبيلي اتمسحت بسبب اني مش يبقي لي علاقة باي حد نهائي كذلك اهلي و كمان كان عايز يجيب شقة في6اكتوبر عشان يبعد تماما عنهم لدرجة انة قالهم بصريح العبارة مش هتدخلوا بيتي ومحدش هيعرفهابعدالجواز ومالهاش حاجة عندي غير اكلها وشربها ولافي خروج و لا لبس ولاشغل و لااي حاجة حتي الغسيل ممنوع نشرة ولاواقفة في بلكونة ولافتح باب شقة ولااي حاجة من دية
باختصار كانت خطوبة سودة و لو فضلت احكي عن مواقف هتحسوا انة شئ لايغتفر ولايحتمل واكنت فعلا تجربة صعبة جداااااااااااااااااااا
ومصدقت بامانة اني خلصت منها و من بركة ربنا اني فسخت يوم عيدالانبا كاراس 15/7/2013
دلوقتي بقي انا جايلي واحد متقدم لي وهو دكتور انا رافضة اني اشوفة اصلا والمشكلة التانية انة هو كاثوليكي و انا ارثوذكسية و البيت معندوش مانع و بيضغطوا عليا بس مش ممكن هقبل حد لمجرد انة دكتور او شغلة كويس او عندة شقة او الكلام دة
دة غير اني رافضة المبدء انا عايزة حد ارثوذكسي صحيح اللي كنت مخطوبة لة كان ارثوذكسي بس منعني من الكنيسة بس كانت كنيستي برضوا ومعنديش اي استعداد اسيبها ولا القي نفسي بعد كدة بسيب الارثوذكسية او حتي عيالي يطلعوا كدة
اعمل اية دلوقتي انا تعبت من البيت حد يقولوا لي ممكن اية اللي يتعمل دلوقتي