[emmmy]

شكرا يا بيتر على مشاركتك الجميلة والاكثر من رائعة واقتباسك بعض الاجزاء وردك عليها بمطنق وواقعية
انا متفقة معاك فى كل كلمة !!
برغم انى صدقنى يا بيتر انا لما كتبت الموضوع دة مكانشى فى نيتى كدة خالص ولا كنت اعرف ان الاراء كلها تقريبا هتكون موحدة كدة
ولا كنت متصورة ان حالنا ومرضنا وعيوبنا وضعفنا وبرودنا مكشوف اوى كدة - انا كان هدفى الحقيقى البحث عن فقرات جديدة تجذب الشباب والخدام لاجتماعاتهم البحث عن افكار وابداعات ننفذها كلنا ونتعلم من بعض علشان اجتماعنا يكون حلو وكلنا نحضرة ونستفيد منة علشان نفيد اولادنا ومخدومينا
لكن واضح ان محدش عاوز يزرع حاجة فى ارض كلها اشواك كلة بيحلم بأرض طيبة الاول كلة نفسة فى معالجة الجذور الاول
كلة بيدور على شئ مفقود ونفسة يلمسة بس مش عارف يوصفة او يحددة
وهو لقاء حقيقى مع شخص الرب يسوع
يعنى رجعنا لنقطة البداية تانى - طيب والحل طيب مفيش امل يعنى ؟؟


++++++++++++++++

استاذ شنودة انا بشكرك حقيقى على مشاركتك الحلوة ومتزعلش من عدم اهتمام الخدام بزيارتك صدقنى اؤكد لك انها نسوة مش اكثر من كدة واوعى تفتكر انى بهون عليك ابدا يعلم ربنا فعلا نسوة لانها بتحصل منى احيانا وبرجع ازعل من نفسى جدا واخجل من ولادى اللى اثرت معاهم انت لفت نظرى لنقطة مهمة جدا
على فكرة كلنا مملؤين من الروح القدس كلنا يا استاذ شنودة من لحظة المعمودية ورشم الميرون حصلنا على تلك الكرامة والمجد لكن مش كلنا بندى فرصة للروح القدس يعمل فينا مش كلنا الروح القدس مشتعل فينا
انا حبيت اوضح حاجة بسيطة بس سامحنى على التدقيق مش مقصود منة غير التوضيح اكثر لناس ممكن تفتكر انها محرومة من نعمة الروح القدس اصلك اكتر من مرة كذا مرة تقول انت وغيرك عاوزين خدام مملؤين من الروح القدس يا جماعة كلنا مملؤين من الروح القدس
بس مش كلنا الروح بيعمل فينا لمجد اسم اللة


+++++++++++++++++

استاذى العزيز كلامك جميل بس صعب تنفيذة
اننا نعمل اجتماع روحى ويكون خاص بلقاء الرب يسوع فقط ولو عاوزين نعمل اجتماع لاى هدف تانى يبقى بعيد عن الاجتماع الروحى
دة هيحتاج لاكثر من يوم ودة مش هيناسب ناس كتير جدا احنا معندناش غير يوم الجمعة وبالعافية بالنسبة للشباب والخدااام بالذت واللى هما محور الموضوع كلة
اية رايك انا عندى راقتراح ابسط احنا نعمل اجتماع ونبداة بالصلاة والترانيم وبعدين الكلمة الروحية مباشرة ولو الشباب حابيت يعملوا اى حاجة تانى تبقى فى الاخر بحيث اننا ندى بكور الوقت لربنا ويبقى الذهن لسة عندة استعداد يسمع اطول فترة ويستوعب ويفهم غير لما نأجل الكلمة الروحية للاخر خالص ونبقى تعبنا وزهقنا من الفقرات
ها ينفع الكلام دة ؟؟