اصل بقالى كتير ماضحكتش
بس ضحكتى المرة دى غير كل مرة
ضحكة مليانة دموع
ضحكة طالعة كلها انين موجوع
اصلى بضحك فيها على نفسى
بضحك على قلبى
قلبى اللى اتخدع واتهان
وكان ضحية لوهم وخداع
قلبى اللى ياما نصحته وقلتله ابعد
ماهاينوبك غير الهجر ووجع القلب
وادى النتيجة
كدب ماله حد
كدبة تتدارى بتانية
وتانية تتنسى بتالتة
ومع كل كدبة اضحك من قلبى
اضحك على قلبى
بس ضحكة غير كل ضحكة
على اد المرار اللى فيها
على اد الوجع اللى ماليها
لانها ضحكة غير كل ضحكة
ضحكة طالعة من قلبى
بضحك فيها على قلبى