رد: أين ذهب رونق منتدياتنا القبطية ؟؟
كُتب : [ 11-18-2008
- 04:13 PM
]
ميرسى اوى يا نارمر على موضوعك الواقعى ده
وبجد الكلام ده بيحصل فعلاً
وانا فى وجهة نظرى ان الأسباب كتيرة :
أولها ان الناس دلوقتى بتحب تقرا اكتر ما تكتب
ثانيا إسمحلى يا نارمر الإدارة عليها دور كبير أوى
فى الحفاظ على أعضاء منتداها واستمرارهم فى التواجد
والتفاعل وده بيتم مثلاً بان يكون للادارة مواضيع وأفكار جديدة
والتشجيع المستمر للأعضاء ولو حتى بكلمات الشكر
حتى لو كانت بسيطة ولكن ليها اثر كبير فى نفوس الاعضاء
ثالثا بدأنا نلاحظ فى الفترة الأخيرة
بعض الأفكار اللى لا تمس لفكرنا الأرثوذكسى بصلة
وده ناتج من وجود بعض المبشرين من الطوائف التانية
فى منتدياتنا الارثوذكسية لبث سمومهم جوة عقول الشباب الارثوذكسى
السبب الأول ان الشباب فى الفترة دى من حياتهم محتاجين أوى لكلمة ربنا
والسبب التانى ان هما أعدادهم قليلة ومش هينادوا من بعيد علينا
أكيد هيتحركوا ناحيتنا ويجذبونا بالطرق الجديدة زى المنتديات بتاعتنا
ودة من الاسباب اللى بتخلى الشباب يفقد الثقة فى مصداقية الهوية الأرثوذكسية القبطية
واللى بيبحث عنها فى منتدياتنا الارثوذكسية
ومن هنا أنا بنادى بعلو صوتى
ياريت تكون الأقسام الدينية واللاهوتية والطقسية والعقائدية خاضعة لإشراف ورقابة
كاهن أرثوذكسى
حتى ولو يتابعها كل فترة
المهم بلاش نثق فى أى مخلوق أى ان كان انه يسمم أفكار الشباب القبطى حرام اللى بيحصل ده
تقبل تحياتى يا نارمر
أخوك مينا
|