رد: ؟
كُتب : [ 12-10-2008
- 06:35 AM
]
أخويا الحبيب فى المسيح
ربنا اعطانا كل الاسرار المعمودية والافخارستيا والميرون
وليس لينا تدخل فيها ولكن في سرّ الاعتراف لنا دور رئيسي
لأننا فى الاعتراف بنعطى هدية لله :
"يا رب، تقبّل مني هذا الحمل الثقيل من الخطايا".
لا يستطيع الله مساعدتنا من دون مساهمتنا احنا.
طب ايه هي أهمية سر التوبة والإعتراف؟ وهل هو لازم للخلاص؟
الإجابة: ان الاعتراف لازم امام الاب الكاهن الذي اخذ سلطان الحل والربط من الرب
زى ما قال رب المجد قبل كدة
ومش ممكن يرجع فى كلامه المقدس
+"وأعطيك مفاتيح ملكوت السماوات فكل ما تربطه على الارض يكون يكون مربوطاً فى السماوات وكل ما تحله على الارض يكون محلولا فى السماوات" (مت16: 19) +"و كان كثيرين من الذين آمنوا يأتون مقرين و مخبرين بأفعالهم" (اع18:19 )
+"إن اعترفنا بخطايانا فهو أمين و عادل حتى يغفر خطايانا و يطهرنا من كل ثم" (1يو9:1)
+"فقال لهم يسوع ايضاً كما أرسلني الأب أرسلكم أنا .و لما قال هذا نفخ و قال لهم اقبلوا الروح القدس من غفرتم خطاياه تغفر له . ومن أمسكتم خطاياه أمسكت" (يو21:20)
وهكذا أعطاهم سلطان الحل و الربط للخطايا بقوة الروح القدس المعطاة لهم .
ومش هيتم ده إلا بإقرار الإنسان في جلسة الاعتراف أمام الكاهن عن خطاياه بعد التوبة , و الإيمان بأن الله آمين و عادل أن يغفر الخطايا مع الثقة بان روح الله القدوس
يكون موجود في هذه الجلسة
ثانياً : تأكيد للكلام الالهى ده اللى بيخضع له الجميع حتى الكاهن نفسه
بيختار الكاهن أب إعتراف ليه هو شخصياً ويعترف عنده
ثالثاً : ان الكاهن بيرفع خطايانا اللى أقرينا بيها قدامه
على المذبح فى الصلاة السرية
" اذكر يارب كل الذين اوصونا ان نذكرهم فى سؤلاتنا وطلبتنا .. الرب يذكرهم فى ملكوته الذى فى السموات.."
رابعاً : الكاهن مش جلاد بالعكس ده طبيب روحى
زى ما فى طبيب جسدى وكمان طبيب نفسى
ربنا بقوة وسلطان الروح القدس المعطى للكاهن
بيرشده على العلاج المناسب لحالتنا المرضية
الخاصة (بالروح)
خامساً : اوعى تنقاد للخجل اللى هو فى الأصل خدعة من عدو الخير بيحاول يكسر بيها كلام ربنا المقدس
اللى ذكرت البعض منه فى الرد
علشان كدة بقولك بعلو صوتى
أوعى تتناول من غير إعتراف
لأن التناول من غير إستحقاق بيقلب النعمة الى نقمة
ربنا يبارك حياتك ويرشدك لكلامه بدون خوف
|