الف مره
أروح لمين ياربى غيرك .. انا بتقطع ونفسى أجيلك
تعبان ومابقتش قادر .. ناسى نفسى وانت اللى فاكر
فاكرنى وخلتنى عالى .. وانا تايه ومش عارف مالى
ايام بتلف وتفوت .. عايشها ولكنى بموت
تعبان ومش لاقى حلول .. كل ليله الدموع بحور
اندهلك وأوعد وأقول .. وأجى أنفذ الآقينى مشلول
لانا عارف أخد قرار .. ولا عارف أبطل انهيار
بتكلم واقول كتير .. عقلى وقف من التفكير
كتير نفسى اصرخ وأتكلم .. شىء جوايا عمال بيتألم
مش بإيدى ده شىء معلم .. شىء قدامه بسكت وأسلم
تعبان من روحى وأحساسى .. مره طيب ومره قاسى
مره أقولك أنى أبنك .. والف مره ببعدها عنك
محتاجلك تكون فى خطايا .. ما انت البدايه والنهايه
واللى هاتسمح بيه انا قابله .. بس ياربى تخليك معايا