اسهل كلمة الفراق
اسهل كلمة الوداع
كنا اجمل حبيبين
كانت قصة حبنا يحكى بيها العشاق
يتعلموا منها الاحباب
من كتر حبه كان بيجرح
ومن كتر حبى كنت بسامح
جرح كتير
وسامحت كتير
لكن القلب جرحه زاد
مبقاش حمل جراح تانى
قلتله كفاية
انا قلبى تعب من جرحك فيه
قالى وحياة حبنا خلاص
مبقاش فيه جراح تانى
بقى الحب كله افراح
وفجأة
رجع الجرح تانى
الجرح كان كبير اوى
كان لازم اقول كفاية
تعبت
مش هاقدر اسامح تانى
مش هاقدر ارجع تانى
قلبى جرحه لسه بينزف
يبقى اجرحه تانى؟
طيب ازاى؟
انا قلبى خلاص بيموت
لو رجع تانى لحبيبه
يبقى كده حكمت عليه بالموت
سامحنى حبيبى
لسه حبك جوة قلبى
لسه ملامحك هى ملامحى
بس سامحنى
مش قادرة ارجعلك
مش قادرة اسامحك
خلى قلبى فى حاله
يلم جراحه
يحاول يعيش وسط غدر الدنيا
الغدر اللى عمرى ماعرفته وانا معاك
هاحاول الم جراحى واعيش
بس ياريت
ياريت تسامحنى