انا مين يا ناس ردوا عليه انا مين دة احترت انا فيه
ماعرف عاقل ولا مجنون صاحب مقام ولا هفية
انا مين ناس ردوا عليه ... انا مين دة احترت انا فيه
اوقات يبقى الكره مالينى وقلبى مضلم زى الليل
اكره كل الناس وانعل ابو الدنيا والحظ القليل
وفى لحظة ابقى واحد تانى هادى راضى يحب كل الدنيا
انا مين ناس ردوا عليه ... انا مين دة احترت انا فيه
ساعات ابقى اغلب خلقه فى حالى وماشى تحت الحيط
لسان الواحد مربوط فى حلقه فى حالى ولا ليه فى بيت ولا غيط
ومرة واحدة اتعرفت وابفى جن كلمنجى يكلم مديرية
انا مين ناس ردوا عليه ... انا مين دة احترت انا فيه
اه كدة يوم يمين ويومين شمال زى ما الهوا بيرمينى بروح
يوم فرح وتلاتة زعلان يوم مبسوط وخمستاشر مجروح
ماعرف لى طبيعة ولا حتى كيان ولا عارف حد ايه اللى بيه
بس انا عارف اخرة اللى زيى فى مستشفى الامراض العقلية .
تمت.
ناجى عجيب
عضو جديد معاكم