حرام
ساعدنى يا قلم وأكتب معايا 00 ساعدنى وطلع اللى جوايا
جوايا ألم ماله نهايه 00 أكتب خلينى أرتاح كفايه
أكتب وقول للعالم آهاتى 00 أكتب تعبت أوى من حياتى
أكتب ونادى على الأحساس 00 تعبت وقلبى مش قادر خلاص
أكتب وأحكى على أنسان 00 عايش وأمله يلاقى الامان
طول عمره ينادى الحنان 00 يلاقى الرد غدر الزمان
اكتب وأحكى عالحب اللى ضاع 00 أكتب وقول ليه الضياع
ليه اللى عايزهُ يروح من ايديك 00 وفجأه يسيبك من غير وداع
اكتب يا قلمى على الاحزان 00 أكتب ليه القلب يتهان
ليه يتعصر من الفراق 00 ويشرب لوحده كاس الحرمان
أكتب وقول ومعاك دموعى 00 تبرد نار قايده ف ضلوعى
ثوره بتصرخ شعبها وجوعى 00 بتقول حرام اتهدت قلوعى