احبائى الخدام والخادمات ...
عاوزة اتكلم معاكم فى موضوع بيقابلنا كلنا كتير
اية رايكم فى مجموعة خدام وخادمات بيشتغلوا فى حقل واحد
فى اختلاط بينهم ومعرفة زائدة وعشرة ومودة ومحبة ودة بيؤدى لتدخل من بعضهم فى خدمة البعض الاخر كمرحلة تانية مثلا
بمعنى !!!
خادم من اعدادى بيعلق على خدمة ابيتدائى او العكس
باسم المحبة وروح المشاركة وكلنا اخوات وحبايب
وممكن جدا يكون الاختلاط دة فى صالح المخدومين لما يشوفوا روح المحبة بين الخدام برغم ان مفيش علاقة مباشرة ولكنها مجرد مقابلات بين الخدمة والاخرى يعنى خدام ابتدائى بيسلموا على خدام اعدادى لما دول يخلصوا ودول هيبدئوا لانهم مقسمين المواعيد فى المكان اللى بيجتمعوا فية
ولكن للاسف !!! للاسف الشديد الاختلاط الزائد دة كتير بيستغلة الشيطان ويعمل منازعات ومشاكل وغيرة وخصام وتبرد المحبة وميفضلش غير الاختلافات وحتة الذات والانا
وفى خدمة تانية الاختلاط فيها محدود وعادى جدا واقل من عادى كمان بين الخدام والخادمات ومش بيكون نسبة المشاكل بنفس النسبة ابدا ولا بيكون فى منازعات وغيرة بل بالعكس
بس فى نفس الوقت الاختلاط المحدود بيكون سبب لعدم الترابط بين الخدام ودة بيؤثر على ثمر الخدمة نفسها
اية رايكم ؟؟
عاوزة اسمع ارائكم ووجهة نظركم ارجوا المشاركة