[عماد حسنى]

مابين امبارح والنهارده وبكره
انا سهران ..
مليون الف فكره
ووراها فكره
والقلب تعبان ...

جمعت كل الورق
القديم والجديد
وحتى اللى اتحرق ..
حاولت اكتب كلمتين ؟؟
لاقتنى تايه !!
مش عارف أبدء
كلامى منين !!

لاقتنى عايز اكتب
بس أكتب عنك يارب .
اكتب عنك انت .
ماكتبشى عن اى حد ..

ولاقتنى برجع بالذكريات
وشوفت عمرى وكل اللى فات
شوفت قدامى شويه حاجات
شوفت قوه وحياتى حلوه
وشوفت برده ملايين الضعفات
.........؟؟؟؟

سبت القلم وسبت الكتابه
وقولت خلاص مش كاتب حاجه
خرجت الف فى كل الشوارع
حسيت بخوفى حسيت انى ضايع
شوفت الدنيا حاجه تانيه
ممكن تخلص فى لحظه فى ثانيه ..

فضلت ماشى جوايا خايف
بس من ايه حقيقى مش عارف !!
حاولت اتكلم مع اى حد
بس مالقتشى اى رد ؟؟

رجعت تانى لاوضتى لوحدى
قعدت على كرسى لنفسى اشكى
أكلم نفسى ونفسى تحكى
لحد ما تعبت وفضلت أبكى ..

ومسكت تانى الورقه والقلم
وكتبت وانا كلى ندم
عايز يارب اصطلح معاك
عايز ابطل أنى انساك
عايز انسى الأحداث
وانسى كمان الناس
أغمض عينى وافتحها
الآقيك قدامى ياربى
الآقى الأيام خلاص ..

عايز اصطلح معاك
فتش جوايا واكشفنى
شوفنى ماانت اللى عارفنى
نقطه ضعف جوايا
لا دى النقط بقت سواد ..

محدش هايحن عليا
ويقبلنى وانا كلى خطيه
محدش غيرك هايقولى
انا جمبك ماتخفشى معاك ..

عايز اصطلح معاك
ماقبلش حد وياك
ماحتاجش اللا لعطاياك
كل اللى يشغلنى رضاك ..

عايز اصطلح معاك
تقبلنى وابقى فى حماك
وان وقعت الدنيا عليا
هاتعدلها من اعلى سماك ..

عايز اصطلح معاك
انسى كل اللى فات
ماسرحشى فما هو آت
كل تفكيرى يبقى
أستعداد للحظه لقاك ..

لوحدى مش هاقدر اجيلك
محتاااااج كتير حاجات
لوحدى هافضل اشكيلك
مش هافكر فى العشره معاك ..

مد ايديك يارب وسامحنى
حياتى من غيرك مليانه ضييقات
بينى وبينك وحتى مع نفسى
بنيت جبال من الخصومات ..

مد ايديك يارب وصالحنى
اصلى عايز اصطلح معاك
يا أحن اب أرجوك سامحنى
مش عايز غيرك
مش عايز
سواااااااك
...............................

----------------------------

سامحونى ان الموضوع طويل ..بس سبب طول الموضوع انى مش عارف اكتب لربنا ايه .. لكن اكيد هو عارف كل اللى فى قلوبنا من غير كلام

المصدر: †† ارثوذكس †† - من قسم: القسم الادبي