[عماد حسنى]

عايز أصلى

أجى أصـلى أنســى ســــلامى .. شايف بـــس أحـــزانى قـدامى
عايـز أقـولك يـــاربـى انا لـيك .. مايغبش عقــلى وقلــبى يناديك

كل ما أقولك ياربى أنا خاطى .. أســـرح من تـانى فــى غلطــاتى
أشيل الهم وأقول دى ضيقاتى .. وأتوه فى وقوفى معاك فى صلاتى

وأنسى أمبارح وانام وانا سارح .. واكمل نومى وأبات فى همومى
وأصحى وانادى وماشيه حياتى .. وأبدء يومى وأعيد فى ذنوبى

و كل ما أحـــاول أقول فـى كلامى .. أجـــى من تانى وأزيد فى الآمـى
نفسى أجيلك طـول ليـلى أحـكـيـلك .. فى إيدى صليبى وقصادى أنجيلك

أمتـى أتـعـلم قـــعـادى معــاك .. نفــسى أروحلك وأكون وياك
أقـولك كل آهـــــاتى بروحـــى .. أبــقى مـعـاكـ بـكـل جـروحى

أصـل العالم شغلنى أكيد .. بــدل قــــلـبى بحـاجه حـديد
خـلانى عنك تــــملى بعيـد .. حتى صلاتى بقى عقلى شريد

المصدر: †† ارثوذكس †† - من قسم: القسم الادبي