شاعر الصعيد
Afw
مرايه مش بتكدب
عجبي
من زمان والكلام أصبح
رخيص
لما اسمى يتمسح من فوق جدرانى بالفتاوى
م الخسيس
لما طوق نجاتى يقتلنى وفوق رقبتى
يدوس
وإيد أخويه وخدانى للجهل ويقولوا أغراب ولا يمكن
د سيس
لما دموعى ودمى يحللوه بأسم دين
ورب شايف من سماه
بس ساكت ع العبد يمكن يلين
لو بصيص
ويرجّع حقوق مسلوبه ويتوب توبه نصوحه
وما يبقاش ذى غيره
كاذب منافق جاهل ولا
سيس
لما عيالنا نملاهم كــّره ويا غيره مليانه حيره
وكلام كتير على غيرنا مش شايفه
غير تجاره رابحه
كلام ناقصه حروفه ولا خوفه ذى
سوس
ينخر عظامنا
زايف
ومش حقيقه
كلام رخيص
عجبى يا ولدى
لما نحلل ولا نحرم ونهدم
بشرع مين ؟
ونجرّهم من رقابهم ونغمى العنين
ونحرمهم من ضى ونور وريح عافــّيه
ونسّود عيشتهم ونخرب من تانى بيتهم
لجل ما يمشوا فى طريق
جوا غفله ولا قفله للعقول
بس عايزين
عجول تسمن لحومنا
ذى غيرنا
وندّور على اللى يعولنا ونمد الأيدين
يحرمونا ويمنعونا ويقفلوا نور شمس النهار
ولا فنار تهدينا للعمار
والله
عار على الولاد
والبعاد ع الإنسانيه
لما سبنا إيديه
ومن تانى ندور فى ساقيه
و بندور
عجبى
يادنيا لما تغافلى وتسرقينا
وتأخدى أقلامنا من إيدينا
لسه برده من عقولنا بتحرمينا
بتسرقى كل شىء حتى فروع أشجارنا
وفوق منها عش لولادنا
من لهيب شمس
بتحمينا
و
من تانى ترجعينا
عجبى
يا بويا ياخويا يا أمى
ليه جوا موجه بترمونا وبحور ضلمه
تغموا عنينا
وتعمونا
عجبي من ورقه بتكدب وتتمادى
ولا
يا صاحبى
بقيت عندينا عاده
نقول آمين للكلام والسلام
نقول آمين للجهل وشوية عيال
و
لما نسألهم يطلع عمرهم
شوية سنين
وأيام
ع الإيدين معدودين
فى ركن بيت قديم ومتهدم والسلام
ملهاش أساس ولا جذور
والأمور
فى الوش باينه سهله
فى منقار صقور
نسر كان ولا حدايه بتتلون ولا تور (ثور)
والمرايه مش بتكدب
شوف أنت مين ؟
عجبى
شاعر الصعيد
أيمن وهبة
Afw
مدونة اللى يعيش ياما يشوف