[emmmy]

المشاركة الأصلية كتبت بواسطة سارة@ يا جماعة كلمة صداقة متنفعش ابدا لانها كلم كبيرة اوى لازم تكون الصداقة بين الجنس واحد يعنى بنت لبنت ولد لولد علشان حتى كل واحد ياخد راحتة فى الكلام خاصة فى حاجات تخص كل من الجنسن مينفعش يعرفها اى من الجنسين الاخرين يارب يكون كلامى مفهوم

طبعا كلام يا سارة كلامك مفهوم يا حبيبتى وانا عارفة انتى تقصدى اية ؟؟وطبعا عندك حق
بس
الصداقة اللى بنتكلم عنها دلوقتى بين ولد وبنت بمفهوم انهم يتعاملوا مع بعض صح يفهموا بعض يكتشوا بعض البنت تفهم طبيعة الولد والولد يفهم طبيعة البنت ويكملوا بعض فى الحياة من غير تزمت ولا عقد ولا خوف من المجتمع اللى بيراقف كل حاجة ويفسرها غلط وبطريقتة هو
ومش لازم تكون الصداقة انهم يحكوا الامور الحرجة لبعض زى بنت لبنت او ولد لولد مش شرط مش دة المطلوب ولا اللى يقصدة بيشوى خالص احنا بنحاول ندور على اسباب الموانع دى اللى السبب فى ان البنت مش بتعرف تتعامل مع الولد زى مالت اختى وصديقتى الحبيبة ريم البيت والتربية غلط من الاول
طيب معلش
استحملينى هطول عليكى شوية -- انا افتكر كنت ماسكة خدمة اطفال فى بداية خدمتى وكان فى شوية اولاد اشقياء جدا جدا لدرجة اننا كنا مش عارفين نتعامل معا هم فكلمنا امين الخدمة وطلبنا منة يخلى الخدام يخدموا معانا علشان يقدروا يتحكموا فى الاولاد الاشقياء دول
وكان رد الفعل ان معظم الخدامات الصغيرين فى سن ال19 وال20 قالوا لو دة حصل هنسيب الخدمة ومش هنيجى تانى خالص
اية رايك ؟
رفضوا التعامل مع الخدام فى الكنيسة وتحت عيون الناس وامين الخدمة والاباء وكانهم هياكلوهم كانهم بعبع -- لية لية كل دة ؟؟
هو دة اللى احنا بتكلم عنة يا سارة دة اللى مرفوض اما كلمة الصداقة متركزيش فى المسميات ركزى فى الهدف اللى وراها
انتى قائمة الاصدقاء عندك فيها اعضاء اكيد هل كلهم اصدقاء بالمفهوم الحقيقى للصداقة ولا دة لقب جميل بنتستخدمة مع بعض مش اكتر يا ستى مش لازم نحكى لبعض امور خاصة بس على الاقل نتعامل مع بعض صح دة المطلوب