كُتب : [ 07-01-2008 - 03:35 AM ]
انا حكايتى انى كنت متدينة جدا و انا صغيرة و بتناول و اروح الكنيسة و مدارس الاحد لكن لما ابتديت اكبر بعدت عن ربنا جدا و مبقتش اروح الكنيسة و لا اصلى و لا اى حاجة و مكنتش احب اروح الكنيسة و ازهق من القداس و لما كانوا الخدام يجوا يتفقدونى مكنتش بسمع كلامهم و كنت بعاملهم وحش.. و كنت مصاحبة ناس غير مسيحيين و دة ساعد فى انى ابقى بعيد عن ربنا لان لو كان لى اصحاب مسيحيين كانوا هينصحونى و ياخدونى الكنيسة و كدة... اتعرضت لكذا حاجة جرحتنى جدا اصحابى اللى كنت بحبهم حصل معاهم مشاكل و سابونى و كنت مرتبطة كمان بواحد غير مسيحى و سبتة .. كنت حاسة انى مليش حد فى الدنيا و جالى اكتئاب و قررت انتحر ... فعلا حاولت انتحر مرتين لكن مجراليش حاجة و كنت بكره نفسى جدا و بكره حياتى و مكنتش عايزة اعيش !! حاولت انتحر مرة تالتة بس فكرت شوية و جه على بالى بابا يسوع و فكرت " مش يمكن بابا يسوع بيحبنى جدا و مش عايزنى اروح النار عشان كدة مش راضى يسمح انى اموت ؟؟؟؟ " بعدين قلت لنفسى " هو هيحبنى على ايه يعنى ؟؟ لا بروح كنايس و لا بصلى و لا اعرف حاجة عن الانجيل .. اكيد هو مشغول مع الناس الكويسة اللى بتصلى و بتصوم هما دول الناس اللى يستحقوا حبه و اهتمامة مش واحدة زيى " بعدين جيت انتحر بس رجعت و قلت مش هخسر حاجة لو جربت اشوف ربنا بيحبنى ولا لا ... جبت صورة بابا يسوع و بصيتلة و قلتلة " يا رب انا عارفة ان انا مش كويسة بس عارفة انك انت قلبك حنين و بتحب كل الناس.. انا معملتش حاجة استاهل بيها حبك و معنديش أمل انك تسمع كلامى دة لانك اكيد مشغول مع ولادك الكويسين اللى احسن منى مليون مرة بس انا قلت اجرب و خلاص.. لو انت بتحبنى و انت السبب انى انا كل ما اجى اموت نفسى ميجرليش حاجة و مستعد تقبلنى و تحبنى ادينى علامة على كدة ... لو مش قابلنى سيبنى اموت عشان استريح .. انا مش عايزة اعيش .. انا عارفة انك مش هتسأل فيا بس قلت اجرب و خلاص " بعد كدة قعدت اعيط لانى فعلا كنت بكره حياتى جدا كنت عايزة اموت باى طريقة ..... بعدين من كتر التعب نمت ... فى الحلم لقيت نفسى فى اوضة بيضة مليانة شمع منور و كان فيه ناس كتير واقفة بتصلى !! انا قعدت اتلفت حواليا و افكر " انا ايه اللى جابنى هنا " و كانت الناس دي بترنم و بتطلب من العدرا انها تظهر !!!!!! فجأة !!!!!! العدرا ظهرت ..كل الناس فرحت و قعدوا يندهوا عليها عشان تبصلهم و كانوا فرحانين جدا .. لكن اللى حصل ان ماما العدرا لما ظهرت ظهرت جمبى انا و كانت بصالى انا و بتبتسملى ابتسامة رقيقة جداااااااااا كلها حب و حنية و على الرغم من ان كل الناس كانت بتنده عليها الا انها مشالتش عنيها من عليا و حتى مبصتش لحد فيهم و لا التفتت ليهم !!! و قربت منى فا انا قعدت اعيط و اطلب منها انها تسامحنى فا راحت هى واخدانى فى حضنها و قالتلى " انا مسامحاكى ..انا مش زعلانة منك يا حبيبتى " و فضلت حضنانى و انا بعيط و فرحانة صحيت من الرؤيا دى واحدة تانية خالص .. زى ما اكون اتولدت من جديد !!! كنت فرحانة جدااااااااااااااااااااااا ااااااااااااااااااااااااا ااااااااااااااااااااااااا ااااا و كنت بتنطط من الفرحة و شكرت بابا يسوع كتيييييييييييييييييييير و كنت بعيط من الفرحة و لاول مرة فى حياتى فتحت الاجبية و صليت و كنت مبسوطة جدا بس للاسف بعد كام يوم ابتدت الشياطين تلعب فى دماغى !! قالولى ان كل دة كان وهم و ان دى مش علامة من ربنا ولا حاجة و انى كان بيتهيألى و ان العدرا مظهرتليش ولا حاجة لان ماما العدرا مش ممكن تظهر و لا تعبر واحدة زيى .. حاولت اقاوم الافكار دى لكن فى الاخر حسيت انى متضايقة و متشككة فا طلبت من بابا يسوع انه لو كانت الرؤيا حقيقية و ماما العدرا بنفسها ظهرتلى يخليها تظهرلى تانى و تكون لابسة صليب فضى فا لما نمت شوفت الرؤيا هى هى نفس المكان و كانت ماما العدرا لابسة صليب فضى جميل جدا بيلمع جامد جدا و حضنتنى تانى و كانت بتبتسم و انا كنت فرحانة جدا ماما العدرا تجننننننننننن جميلةةةةةةةةةةةةةةةةةةةةة ةةةةةةةةةةةةةةةة فوق كل وصف .... رائعة الجمال .. مفيش بعد كدة ... و حنينة بطريقة مش عادية .. شعلة حب و حنان .. كانت لابسة لبس زى لبس الظهور اللى بنشوفة فى الصور اللى مرسومة عن الظهور ... حاجة خياااااااااااااااااااال ... مفيش جمال بعد كدة ... مفيش كلام يقدر يوصفها ابداااااااااااااااااااااا اااااااا فليتمجد اسم بابا يسوع و سلامى لماما العدرا المصدر: †† ارثوذكس †† - من قسم: معجزات القديسين والقديسات