[حنين سنين]

أفتكرينى

أفتكرينى

افتكرينى



افتــكرينى وابـقـى افــتــكرى ايـــامــنا
افتكرى ايام رســـمنا فيها ياما احلامنا
افتكرى كلـمه مره اتقالت مـن عــيـونا
افتكرى نبضه كانت بتحرك فينا قلوبنا



افتكرينى وابقى افتكرى سـهر الليالى
افتكرى خـوفى عــليــكى وانـشـغالـى
افتكرى لما كـنت اجيلك واشكى حالى
اسمع صوتك انسى تعبى ويرتاح بالى



افتـــكـريــنى وابـقــى افتــكــرى مـــشــوارنا
افتكرى الاماكن اللى فـــاكره امــتى اتقابلـــنا
افتكرى حكايات وابقى أسـالى عليها عـــنيكى
افتكرى وعد سمعته منك بس قبله وعدى ليكى



افتــــكرينى وابقى افتـكــرى كــنا مـين
مش يوم ولا شهر ولا حتى تتقال سنين
اصل اللى بينا عمره ماكان بين اتـنـيـن
كنا واحد بس قـــدام النـــاس بجســديـن



افتكرينى وابقى افتــــكــرى وصـلـنــا لايه
واوعى تلومى نفسك او قلــبــك تأسى عليه
الذنب مش ذنبك ولا ذنبى ومعرفش لـــــيه
ده قلبى انا اللى نصيبه يتحكم بالموت عليه



بـس أمــانه ابـــقــى غــيـــــبــى و افــتـــكــريــنــــى
وخليكى عارفه انى عمرى ما هنساكى طول سنـينـى
انسى نفــــــسى بــس انتى، ولا لـحظه هاتســــــبينى
انتى ساكنه جوه قلبى صورتك يوماتى قصاد عــينــى

افـتـكـريـنـى وأبـقـى افـتـكـرى أحســــاســــنا
اللى عمرى ولا هاعرف اكتب ازاى فيه عشنا
افـــتــكريـنى وابـــقــى قــولــيـلى لـسه عايش
اللى جواكى واللى جوايا مــن يـــوم مـيــلادنا

احساسك جميل اوى يا عماد يا شاعر
انت بجد فنان رقيق جدا ربنا يفرح قلبك ويبعد عن اى حزن
تعيش وتكتب