صدقينى لو قلت يوم
أنى بحبك صدقينى
لو لقيتى عنيا تحلف
والإيدين من الرعشة ترجف
صدقينى
لو ليالى الشوق تطول
لو ساعات العمر تجرى
لازم أتكلم وأقول
إنى بحبك
صدقينى
لما صوتك يسرى يجرى
جوة قلبى يصول يجول
تسمعه الدنيا بحالها
تفهمه كل العقول
يبقى لازم أتكلم وأقول
إنى بحبك
صدقينى
لما عينك يوم بشوفها
لما بسكر من كسوفها
هى كلمة ومن حروفها
تعرفى إنى بحبك
يبقى لازم أتكلم وأقول
إنى بحبك
صدقينى
لما أشوف وشك بلاقى
نفسى طاير والتلاقى
هو حلم العمر كله
اللى عدى واللى باقى
يبقى لازم أتكلم وأقول
إنى بحبك
صدقينى
لما بلمس يوم ايديكى
لما أقرب بس ليكى
لما أتووووه
فى الكون ده كله
وأما أرجع ألقى نفسى
لسه باصص بردو ليكى
يبقى لازم أتكلم وأقول
إنى بحبك
صدقينى
بحبك صدقينى