[كيرو رافت]

الموضوع بجد رائع ودايما اتعودنا منك مناقشه الموضوعات الهامه جدا والمفيده جدا
وبالنسبه لموضوع الخدمه ده فيه معوقات كتيرة بتعوق اتمامها بنجاح ومنها

* ان الخادم الصغير اللى بجد نفسه يخدم بكل امانه وعنده اشتياق انه يطلع كل اللى جواه ومتحمس جدا واذا بيه يفأجا بان الخادم الاقدم منه فى الخدمه بيبدا فى تحطيم معنوياته واهباط همته خوفا من ان يكون الخادم الجديد ده الكل يشير اليه بالبنان ويقولوا عنه انه عمل نشاط فى خدمته احسن من اللى سبقوه واللى معاه
ودى طبعا غيرة لكن موش غيرة حسنه زى ماقال الرب يسوع لكنها غيرة قاتله مدمرة

* كمان فيه خدام بتخدم لغرض الظهور والمنظرة وان يقال عنها الفلان ده خادم
والفلانه دى خادمه بالاسم فقط ولكم من الداخل ابيض اناء فارغ

* فيه كمان بعض الامور اللى بتعيق الخدمه ومنها الروتين فى التعامل من المسئولين فى الخدمه مع الخدام لدرجه تؤدى الى الاحباط وعدم الاهتمام بالخدمه من جهه المخدومين

* الخدام الان اصبحوا مشغولين بحياتهم الخاصه دون النظر الى الخدمه
يعنى لو عندى وقت اوكى هاخدم
لو ماعنديش وقت يبقى بعد ازنك يا رب انا موش فاضى او ماليش نفس النهارده اخدم

* الانا دى مرض خطير بجد بدأ ينتشر فى الخدمه كل ما اكلم خادم يقولى انا اللى بنيت الخدمه دى على كتافى
انا اللى عملت انا اللى سويت ونيسوا خالص ان الله هو الذى يبنى لانه ليس الغارس شيئا ولا الساقى شيئا
لكن الله هو الذى يكمل وهو الذى يبنى

انا اسف على الاطاله لكن حبيت اقول وجهه نظر متواضعه للعوامل اللى بتضعف الخدمه
وربنا قادر انه يعين الفعله فى كرمه