رد: انا تعبانة ومش عارفة اعمل ايه
كُتب : [ 08-20-2011
- 07:59 PM
]
24 سنة يعنى بنت ناضجة وتقدر تتحمل نتيجة اختيارها - طيب كويس
بصى يا حبيبتى بالاضافة لكلام استاذ ايمن اللى حقيقى لو نفذتية هتكسبى كتير وهيكون الموقف كلة فى صالحك
مدام كدة اوعى تفرطى فى حبك بقى اوعى تتخلى عنة بالبساطة دى اوعى تيأيسى - خدى ماما بالراحة ابدأى بماما وقوللها يا ماما هو فى شباب لاقيين شقة دلوقتى دى حتة انة عندة شقة بتاعتة دى فى حد ذاتها معجزة حقيقى وانتى يا امى كل اللى يهمك سعادتى وراحتى وانا مش صغيرة واتحمل نتيجة اختيارى انا ارتحتلة وحبيتة وعاوزاة ودة اهم شئ فى الموضوع اما الماديات والشبكة وباقى احتياجات الزواج هتيجى بالراحة وبالصبر وانا مش مستعجلة ودة شاب يعتبر كويس وظروفة مقبولة يعنى مش هنجوع انا وهو ولا حاجة هنقدر نواجة الحياة بالصبر
ومتقوليش مش عارفة انسى الموضوع كلة واكمل حياتى عادى برغم انى انا بحبة -لأ دافعى عن حبك واتمسكى بيكى وصممى علية بكل حب لاهلك واحترام واصرار دافعى عنة بشخصية قوية عارفة هى عاوزة اية وليها هدف هتحققة دة حقك بكل المقاييس حقك واذا فشلتى دخلى حد كبير من قريابك او اباء الكنيسة شهديهم المهم انك متكسريش قلبك بسلبيتك وخوفك وضعفك - بس خلى بالك هتتحملى نتيجة اختيارك لو الشاب دة ميستهلشى حقيقى الدفاع عنة يعنى لو مكنتيش عرفتية كويس اوى اوى ومتأكدة من كلامك او لو كنتى مش صادقة مع نفسك بقدر كفاية
انا دايما ارفض الاندفاع ورا العواطف والجرى وراء السراب يعنى لو كان الشاب دة مش فى مقدورتة يفتح بيت ويكون اسرة مرتاحة ومتكنشى الحياة بعد كدة كلها متاعب والام هقولك اهلك معاهم حق ولو عندتيهم هتندمى ندم شديد جدا جدا
وربنا يوفقك ابقى طمنينا عليكى بقى
|