مش عارفة اعمل ايه فالولية جارتى
دى ناوية تطير ابراج عقلى
اصلها بتتفنن ازاى تجننى
هوايتها الوحيدة تنشر الغسيل مبلول
مش مرة ولا مرتين لا على طول
انادى عليها اقولها يا ستى اعصريه
تقولى خليكى يختى فحالك ملكيش فيه
اقولها طب نادى احط حاجة عليه
ترد ببرود غسيلك انتى شيليه
احاول افهمها عيب احنا جيران
تقولى اسكتى يختى بلا جنان
وياريت على كدة وبس
لا دى معندهاش اى حس
طول الليل تدبدب عليا
كانها بتجرى فالشقة رايحة جاية
ولما اتخنق وازعق فيها
مش بخلص من لسانها ولا من اللى حواليها
لا وشغلها شغل عليال
ولادها مجننى ليل ونهار
ساعات كتيريرنو الجرس ويجرو
ومن مقالبهم عمرهم ما كلو
روحت عملتها محضر فالقسم
بكل ثقة قالتلى ولا بيهم
دى طلعت بلطجية وبتشم
ولو طالت كانت تحطلى فالاكل سم
قررت بقى اشتكى لجوزها
افتكرت انه هيقدر يشكمها
بس طلعى يا عينى مبيقدرش يكلمها
يعنى مفيش حد قادر عليها
خلاص سملت ورفعت الراية البيضة ليها
ونويت اعزل من العمارة باللى فيها
روحت واجرت قانون جديد
المصيبة طلعت صاحبة العمارة زى ام سعيد
مبقتش عارفة خلاص اروح فين
شكلى هبات فمخيم اللاجئين
او اتعلم البلطجة والكاراتيه
علشان اللى يضايقنى اعرف اوريه.
بقلم ميسووو