1
وننساكم بجد ازاى وننسى اعز مالينا
وايامنا اللى كانو زمان معاكم ويا بعضينا
واحلام اتبنت عاليه .. وكله اتهد و ف ثانيه
بقت ذكراكم الغاليه فى صورة عشان تعزينا
+ _-_ قـــ _-_ +
صحيح لسه ف وسطينا ريحتكم لسه موجوده
ومهما البعد يأذينا وانظارنا دى محدوده
لكن شايفينكو بقلوبنا
عشان لساكو وسطينا
2
عيوننا بتبكى باستثناء قلوبنا بيكو فرحانه
ولينا وساطة عند يسوع بشهدا عاشو ويانا
اكيد البعد ساب تأثير .. ده الرب المجد قلبه كبير
اكيد هنصللى ليه من غير مانزعل منه بأمانه
+ _-_ قـــ _-_ +
صحيح لسه ف وسطينا ريحتكم لسه موجوده
ومهما البعد يأذينا وانظارنا دى محدوده
لكن شايفينكو بقلوبنا
عشان لساكو وسطينا
3
صحيح العيد بدون صوتكم مالوش طعم ولا معنى
واسم شهيد واحد منكم يبكينا يدمعنا
هتوحشنا قوى النظرات.. وحب فى اجمل اللحظات
لكن افضل اكيد ليكم تكونوا معاه ... فصلولنا
+ _-_ قـــ _-_ +
صحيح لسه ف وسطينا ريحتكم لسه موجوده
ومهما البعد يأذينا وانظارنا دى محدوده
لكن شايفينكو بقلوبنا
عشان لساكو وسطينا
8-1-2011
2:50 am