[نظره رجل]

خساره فيكوا

أعاتب مين مش لما يكونوا اصلاً بنى أدميين
دول لا عندهم ضمير ولا امانه
دول طلعوا هما أصل الخيانه
لا يحفظوا سر ولا يخافوا على الناس
ال وأحنا فاكرين عندهم أحساس
كنا فاكرينهم مجروحين
وهايقدروا ويحسوا بالمظلومين
كنا فاكرين جواهم انسان
يرحموا اللى زيهم تعبان
أتاريهم طلعوا بميت وش
عايشين بين الناس بالكدب والغش ..

حتى بين نفسهم قادرين يكملوا التمثيل
ماهى الطيور على اشكالها بتقع وتميل ..

الواحد مبقاش عارف يصليلكوا ولا يدعى عليكوا
لا دم المسيح ولا معموديه أثرت فيكوا ..

أنتوا اللى زيكوا خساره فيه الكلام
أنتوا مجرد نفايه من مخلفات انسان ..

اللى زيكوا مايتزعلش لا منه ولا عليه
وكفايه كل واحد عارف قدام نفسهُ هو ايه
وكفايه ان بين نفسكم واضحين
انكم على الخداع متفقين
انكم على قلوبكم دايسين
مش بقول ياريتكم كنتوا من البنى أدميين ..

أعاتب مين وانتوا ماتعرفوش غير الضحك على التعبانين
متعرفوش غير تزودا جرح المجروحين
متعرفوش يعنى ايه رحمه
متعرفوش غير الكره والسواد والطعن فى الضلمه والزحمه ..

بس خلوا بالكوا الكيل بمكيالين
بس خالوا بالكوا كله سلف ودين
واللى انتوا بتعملوا النهارده
هدوقوا بكره الضعفين ..

مش هاقول ارجعوا لقلوبكوا
لاى ذره رحمه فيها
مش هاقول راجعوا نفسكوا
يمكن تفوقوا من سكك مشيتوا عليها ..
انتوا قلوبكم ماتت من زمان
قلوبكم مفهاش غير نار وسيرتكم دخان..
دنيتك ضلمه وكلها ازيه
متعرفوش غير الحقد والانانيه
عاملين فيها محترمين وانتوا للاسف
قدام الكل مكشوفين
؟؟؟
بس هاقول ايه
؟؟؟؟

هاقول كله سلف ودين
والكيل بمكيالين ..

مش هادور على حلول ولا اجرى على انتقام
مع انه سهل اوى ما اللى زيكوا دايمان جبان
اللى زيكوا مليان بالغلطات
ومفيش اسهل من الازيه وحرق القلب والذات ..
بس كفايه خداع انتوا واهمين نفسكوا بيه
كفايه ماضيكم واللى ينسى ماضيه خساره
العتاب فيه ..

ياريت تكونوا مارتحين .. وعارفين تناموا بضمياركوا وراضين
ياريت تكونوا مبسوطين وانتوا عديمى الامانه ومجرمين
بس ازاى وانتوا اصلا مش بنى أدميين
دا خساره فيكوا اكتب حتى كلمتين

بجد خساره فيكوا كلكم
وطبعا عارفين نفسكم
خساره فيكم

المصدر: †† ارثوذكس †† - من قسم: القسم الادبي