يارب يسوع
انا يارب كتير حاولت ادبر حياتي
وكتير حاولت اختار طريقي
وكتير اوي قعدت اخطط حاجات
لكن يارب انا عايزك انت اللي تدبر حياتي
انا يارب هعمل اللي عليا
وانت توجهني زي ما انت عايز
ارسملي يارب الطريق
حتي لو كان طريق صعب اوي
حتي لو كان طريق مليان متاعب كتير جدا
لكن متاكد انك هتقويني وهتساعدني اني اعدي كل المصاعب
هتعينني وهتقف جنبي
واثق جدا فيك
وسايبلك كل حياتي بين ايديك
دبر انت حياتي
ارسم انت طريقي
انا سايب عمري بين ايديك
اعمل يارب فيا
واخلق فيا روح القناعه باي مصاعب
خلي ثقتي فيك ما تتغير مهما حصلي من مشاكل
خلي ايماني دايما ثابت فيك
انا عايزك انت يارب اللى تدبر كل حياتنا
امين