ياجودعان انا كتبت الشعر دة بس معجبش كتير عاوزة اعرف رئيكم انتم كمان قوليلى ايه الا غلط فيه انا حاولت اغير من نظام شعرى بدل من وزن وقافيه واحده عملت كل جزء له نظام
انا انسان بيحب يسوع وحبه بين ضلوعى
لو جرحونى وعذبونى برضه مش عايز غيرك يايسوعى
قاموا عليا واتهمونى زور ليكسرونى
وهخاف ليه ما انا كسرتى معاك نصره يايسوعى
كنت زمان تايه مسكبن
فى طريقى ماشى حزين
و فضلت تايه شهور وسنين
وابحث وادور من فين لفين
واتحيرت أروح فين او اسال مين
مش حاسس لحياتى معنى ووجود
كان نفسى احس بأله حى موجود
كلامه حق وانجيله سامي و موثوق
يحبنى واكونله ابن مش بس عبد مخلوق
قولت افتح الانجيل القى عليه نظرة
مش هخسر حاجه هقراه ولو لمرة
وابحث بكل جهدى عن ثغرة
وفجاة وقعت عينى على جمرة
اشعلت النار بقلبي في لحضة
كل كلمه قريتها كانت بتقول بحبك
انا ابوك وانتى ابنى وانا اليوم ولدتك
عشان بحبك جيت واتهنت لاجلك
اوعى تضعف وتخاف انا دايما جنبك
انده ياابى هجرى عليك واكون سامعك
اوعى يابنى ترد الشر بشر
ولا تظلم حد ولا تدوقه المر
وحب الخير وازرع السلام
حتى الا يكرهك ويقلق المنام
وفضلت اقرأ واقرأ والوقت بيا يعدى ويمر
وانا اقرى بكلامه والدموع من عينى بتشر
وانا الا كنت فاكر نفسى حر
طلعت عبد رخيص لابليس يرمينى على الارض وفيا بيجر
انا دلوقتى بؤمن بربى يسوع
معاه الاضطراب والالم مدفوع
من احزانى معاه بقيت مرفوع
وخلينى دايما بحبك يارب منقوع
وبعلن شهادتى لكل الناس
مش خايف ايه يجرالى حتى لو جسدى انداس
روحى لسه معاه ويا الاحساس
وههتف وارنم انا ليا اله عينه عليا
شايلني وماسك باديا
حتى لو عذبونى وقطعولى ايديا ورجليا
هتفضل عنيا تنظر ليك يافاديا
وهفضل احبك من هنا لايامى الجايه
لحد ما تخدنى واعيش معاك فى الابديه