السلام لكم ياجماعه:
هاعرض عليكم موضوع جرئ جديد ... الحقيقه كان شاغلني من مده ومضايقني بصراحه وأخيرا وجدت الرفصه اني اعرضه للمناقشه. الفرصه دي شجعني عليها محاضرة سيدنا البابا الأخيره.... فيه واحده بعتت تقول لقداسته أنها بتعترف لأحد الرهبان بالتليفون وبتاخد منه الحل بالتليفون وبتسأل سيدنا هل ده غلط !!!!! طبعا سيدنا قالها ده 100 غلط في بعض. الموضوع المطروح هو ايه رأيكم في علاقة العلمانيين بالرهبان و أيه رأيكم في البنات اللي بتتلزق في الرهبان بدون مناسبه وأيه رأيكم في الرهبان اللي بيفرحوا قوي بلمة البنات والستات حواليهم وهل الراهب اللي خد إعتراف بنت في الموبايل رهبنته صحيحه ؟؟؟؟ متقولوليش أنه راهب ومحمي بالروح القدس هو في الأول وفي الأخر راجل هايقدر يتحكم في نفسه 100 مره لكن في الأخر هايحس ويستجيب .... ومتقولوليش أن البنات قصدها شريف وطالبه البركه ... هي في الأخر برضه بنت هاتحس وهاتستجيب ..... وويل لمن تاتي من قبله العثرات.
الموضوع مهم وخطير لأنه بقي علامة إستفهام كبيره جدا في حياتنا المسيحيه أرجو منكم التعليق بموضوعيه وواقعيه وبلاش الكلام الرمزي وبلاش كمان ندفن راسنا في الرمل علشان منشوفش الغلط خليكوا واقععين وعمليين وصرحاء جدا جدا مع نفسكم
وبعد ردودكم هاثير موضوع أخر مرتبط بيه وأكثر خطوره منه 1000 مره وشكرا ليكم