[كيرو رافت]

كان نفسى اكون موش انـــا *** وحياتى دى موش هــــــــــنا
كان نفسى يكون معايــــــــا *** فلوس مالهاش نهايــــــــــــه
اخرج واتفسح واسهـــــــــر *** واشرب لى كاس من المنكر
واشترى عربيه جديــــــــدة *** وحياتى هاتبقى سعيـــــــدة
انا نفسى انسى نفســــى *** وكمان انسى اسمــــــــــى
الهم راكبنى وطايـــــــــــــر *** خلانى فى حالى انا حايـــــر
ماتسيبنى يا هم شويــــــه *** هو انت مكتوب عليــــــــــــــا
انا نفسى بجد اعيــــــــش *** وبكره دا ميهمنيـــــــــــــــش
واعيش لنفسى وبـــــــس *** ويكون لى شله انــــــــــــس
ازاى اعيش وانا راضــــــى *** وجيبى دايما فاضـــــــــــــــى
هاعيش وهانسى الماضى *** الفقر دا شئ موش عـــــادى
وهانسى كمان خدمتــــى *** موش عايز ابديتـــــــــــــــــى
عن ربى انا هابعــــــــــــد *** بفلوسى ومالى انا هاسعــــد
وهادوس على كل الدنـــيا *** لو ابنى هابيعه فى ثانيـــــــــه
انا لازم اعيش حياتـــــــى *** واشبع رغباتى ولذاتـــــــــــى
وقبل كل ده ما يحصــــــل *** لقيت صوت من عند الرب وصل
وقاللى كل اللى جمعتـــه *** من عمرك انا خصمتـــــــــــــه
وانا جايلك علشان اخــدك *** ولبحر الهاويه انا هاخـــــــــدك
تبعد عن ربك ليــــــــــــه *** ملايين لدنيا دي ايــــــــــــــــه
قدام لمسه ايديـــــــــــه *** وفى حضن يضمك ليـــــــــــه

المصدر: †† ارثوذكس †† - من قسم: القسم الادبي