رد: كباريه
كُتب : [ 08-20-2008
- 12:35 PM
]
تسمحلى انا كمان ارد يا كيرو انا قريت موضوعك مرتين وفكرت ارد بايه
بس فى حاجة اسمها لكل مكان اللبس اللى يناسبه
انت بتهاجم مين بقى بالظبط بتهاجم البنات ولا بتهاجم ابونا اللى بيعمل القداس
اول حاجة البنات كلها مش بتروح زى ما نات بتقول كدة
لان فى فساتين محترمة وفى شال بيتحط على الفستان
وبالنسبة للعروسة ابونا لو الفستان بتعها مكشوف شوية ابونا بيحطلها اللبس اللى بيلبسوه العروسة والعريس ده
غير كدة يا كيرو لو فى كدة انا ليه ابص على دى وعلى دى
انا مش من حقى ادين ولا اقول جه لابس ولا مش لابس ازاى
انا رايحة احض رقداس اقف وانا فحالى
وفى حاجة كمان انا مرة حضرت فرح قريب كان فى ست مش من الفرح
تبع الكنيسة بتشوف اى بنت او ست مش حاطة الشال بتقولها من فضلك حطلى الشال على كتقك
يعنى الكنيسة على اد ما تقدر بتحاول
غير كدة بالنسبة للصور مش معقول العروسة والعريس يكشرو يوم الفرح والمصور مش بيجى وقت الانجيل يقولهم اضحكو لانه بيصورهم فى كل الاحوال مش شرط وهما باصيين للكاميرا
انا بقول على الافراح اللى حضرتها واللى انا شوفته
مش عارفة انت بقى شوفت فالافراح اللى قولت عليه
فى النهاية هرجع اقولك موضوع الفستان بيرجع للبيت
وللشرب اللى بتقول عليه فى ناس مش بتشرب وناس بتشرب
بس برضو مش من حقى اقولهم متشربوش.
سامحنى على ردى انا عارفة انه حاد شوية بس انا فكرت قبل ما ارد ومكنتش عايزة ارد بالشكر على الموضوع كنت عايزة اقول رايى.
|