[عماد حسنى]

المشاركة الأصلية كتبت بواسطة ماروجيرافك يااااااااااا يا استاذ كامل كأنك توصف مشاعرنا كلنا تجاه اخ عزيز علينا

متشكر جدا جدا جدا يا مارو لمحبتك وافتقادك وسؤالك
ربنا يخليك ويملاك محبه وخير دايما
الف الف شكر يا مارو

المشاركة الأصلية كتبت بواسطة emmmy يا سلاااام كلامك جميل يا استاذ كامل وعندك حق انا سالت قبلك السؤال دة كتير فين عماد حسنى يا ارثو راح فين عمود من اعمدتك يا ارثو برغم انة كان مدمن وجودة فيكى انا لمست احساسة واتعرفت علية من خلال قلمة الذهبى لقيتة شاعر مرهف حساس يسبى قلوب الناس قصايدة جوة قلوبنا بتحرك الاحساس ياريت ياريت بجد باسم الادارة وباسم الاعضاء وباسم كل اللى بيحبوك ومفتقدينك بترجاك ترجع يا عماد تكون فى وسطينا من تانى ياريت لو حد يعرف عنة حاجة يقولنا ويطمنا علية ياريت لو حد بيشوفة يقولة يبلغة النداء دة باسم ارثوذكس

ايمى قدام كلامك وقدام محبتك مش عارف ارد على المشاركه
لانك انسانه مليانه محبه للكل بمنتهى النقاء والطيبه
كلامك اكبر منى بكتير عالم الله
وصدقينى قله دخولى بسبب مواعيد شغلى وفصل النت باستمرار
لكن القسم الادبى ومنتدى ارثوذكس عندى حاجه ماتتنسيش ابدا
وعلى فكره الادراه الاستاذ ابراهيم ( هيما ) اول واحد لاحظ غيابى واول واحد اتصل بيا وافتقدنى ووعده انى ادخل لكن ظروف شغلى منعتنى غصب عنى ... وبعتذره جدا جدا على تقصيرى فى القسم لكن رافت وانتى ومارو طبعا سادين وزياده اوى اوى اكتر منى الف مره
انا مش عارف اشكرك ازاى لكن بجد بجد قدام محبتك مش لاقى كلام غير انى اقولك ربنا يملاكى نقاء وطيبه اكتر واكتر لانك انسانه رائعه
الف الف شكر يا ايمى ربنا معاكى ويفرح قلبك وكل حياتك

المشاركة الأصلية كتبت بواسطة bassem8800370 فعلا انت فينك ياعماد كل الاعضاء بتسال عليك

انا موجود يا باسم بس ظروف شغلى صعبه شويه ولولا كده كنت هتلاقينى ليل نهار فى المنتدى انت ماتعرفش المنتدى والقسم الادبى عندى ايه
انشاء الله اكون موجود
والف الف شكر لمحبتك ومشاركتك وزوقك
ربنا معاك ويفرح قلبك وحياتك

المشاركة الأصلية كتبت بواسطة حنين سنين موضوعك جميل اوى اوى يا استاذ كامل بجد كلماتك رقيقه يستاهلها شاعر المنتدى اللى ادى كتير اوى بمحبه وخدم كتير اوى فى المنتدى وكلنا بنشهد ليه بانه من اعمده المنتدى وانا بضم صوتى لايمى ان عماد ينورنا تانى بوجوده فى وسطينا وانا بطمنكم عليه هو كويس وبنطمن عليه انا ورافت دايما وناقصنا وجوده فى ارثو ميرسى ليك يا استاذ كامل وليكى يا ايمى على الموضوع الرائع دا

هنا طبعا مش محتاجه رد
لانى مهما كتبت ورديت عمرى ما هاقدر اوفى حقها هى ورافت من الشكر والمحبه واللى ياما عملوا معايا واللى لسه بيعملوا
يكفينى انى اقولها انتى ورافت بقيتوا جزء من يومى ومهما اتكلمت مش ممكن هاقدر او اعرف اشكرك يا هنا انتى ورافت
ربنا يقدرنى واقدر ارد جزء صغير اوى اوى من محبتكم اللى ماسبتنيش لحظه
ربنا معاكى ويفرح كل ايامك مع رافت وتبقى كل حياتكم حب وسعاده

المشاركة الأصلية كتبت بواسطة emmmy مرسى ليكى انتى يا هنا على محبتك وكلامك الجميل وعلى انك طمنتينا علية ايدك فى ايدى بقى انتى ورافت مدام تعرفوة علشان نرجعة وصلي لية صوتنا ورسالتنا دى وقوللى لة اننا بنتمنى رجوعة حقيقى انا اول اللى بيتمنوا رجوعك يا شاعر المنتدى انا اول واحدة مستنية اليوم دة انا عمرى ما فى قلم حرك احساسى اد قلمك يا عماد حقيقى

انا ماكنتش هاقتبس المشاركه دى لانى مش هاعرف ارد عليها
بجد مش عارف ارد يا ايمى على محبتك وطيبتك الكبيره اوى اوى دى
وصدقينى ان كان قلمى حرك احساسك فعالم الله انه عمره ماكتب غير بالصدق لكن برضه كلامك اكبر منى ميت الف مره وماستحقش كل الكلام ده
وعلى فكره هنا ورافت كانوا يوماتى تقريبا بيكلمونى انى ادخل المنتدى مع انهم عارفين سبب قله دخولى وظروف شغلى ووقتى لكن من محبتهم ماسبونيش لحظه لحد ما دخلت دلوقتى
متشكر جدا جدا يا ايمى على محبتك وزوقك وطيبتك وروعتك
ربنا يحافظ عليكى ويفرح كل ايامك

المشاركة الأصلية كتبت بواسطة kiro0oalex كلماتك جميله اوى يا كامل انا بضم صوتى ليك ولايمى ولكل محبيك الكتير قلمك اثر فيا وياريت متحرمناش من تواجد شاعرغالى علينا ذو احساس جميل شاعرنا الجميل عماد حسنى اتمنى عودتك على طول علشان تنور مكانك ربنا معاك

شكرا جدا جدا يا كيرلس لافتقادك ومحبتك وزوقك ومشاعرك الجميله دى
نورت الموضوع ونورتنى انا وعم كامل ومتشكر تانى لحضورك
ربنا يحافظ عليك ويخليك وانشاء الله اقدر اكون موجود معاكوا
وانا اللى اتشرف بوجودى وسطيكم
وصدقنى المنتدى منور بيك وبكل الاعضاء

المشاركة الأصلية كتبت بواسطة magdy totti نفسنا ترجع وتكون معنا يا استاذ عماد ترجعلنا با السلامة يااشاعر المنتدى

ربنا يخليك يا مجدى
بجد متشكر جدا جدا جدا ليك ولمحبتك ومشاركتك
وباذن يسوع اكون وسطيكم
ربنا معاك ويفرح كل حياتك

المشاركة الأصلية كتبت بواسطة كيرو رافت نفسى بجد يا عماااااااااااااااد زى ما بستمتع من وجودى معاك ورؤيتك نفسى كمان استمتع بوجودك فى المنتدى مرة اخرى لانك بجد القادر على اسعادنا باعظم واجمل الاحاسيس والكلمات وبضم صوتى ليك يا اعظم اب لينا استاذى الغالى استاذ كامل وبضم صوتى لايمى ولهنا وللجميع وبتمنى رجوعه وعودته مرة اخرى الى بيته

هو انت لسه مازهقتش منى
دانت فاضل تفرشلى الاوضه اللى عندك اللى هى شمال فى يمين دى اول ماتدخل من باب الشقه
وتبقى اقامه دايمه عندك
وكمان تفرشلى مكتب فى نفس اوضه مكتبك فى شغلك وطبعا اللاب توب بتعاك قدامى
وتمدلى خرطوم شاى وقهوه
دانا زهقتلك منى يارافت
.............
طبعا رافت تؤمى
وهو عارف عندى يبقى ايه
رافت اروع واجمل واطيب انسان قابلته فى حياتى
وعمرى ما هاقدر اردله ربع ربع محبته ليا
ولا هاقدر اردله اللى بيعمله معايا
ربنا يخليك يارافت ويملا حياتك انتى وهنا بكل الحب والسعاده اللى فى الدنيا
ربنا يديك كل مابتتمنى ويفرح كل ايامك
لانك انسان بمعنى الكلمه

بس برضه انا زهقتلك منى مش يبقى كمان لاصقلك فى المنتدى