ساقية وبتدور
ولكل ظالم دور
والحق أ صبح أعمى ومش شايف م الظلم يابا أنا خايف
وم البكى والعويل صوته انحبس ومش طالع
مربوط بقيود
متكتف فى سور من ظلم متستف واللى يفتح عنيه ويطلب اللى لــيه
يزيدوا عليه أحبال ويتكتف
حرقوا يا با الشجر اللى زارعينه وداسوا عنا قيد التوت
وهدوا فوق روسنا البيوت
خلوا ورد الجناين فايح بعطر الموت
يهرسونا ويحرقونا
ومن الأهة يمنعوا صوتنا
وبدمانا يغسلونا وبالعار يكفنونا
وحتى من الحزن بيحرمونا
علمونا يا ابا الخوف
ولما ترد
مفيش غير ضرب الكفوف
تتحمل فوق راسنا
لجل ما نطاطى وعنينا ما تشوف غير أرض مدهوسه
وبالدم مغسوله واللى يقول أه
يذيدوا عليه الحمول
منعونا نفتح عيونا لجل ما نشوف
فى عيون ولادنا ذل وهوان وخوف
أيه معنى الحروف ؟
أياك تسأل ومن تحت رجليك ترفع عنيك
وملهوش تمن
إنت الأسير وعبد ورخيص
ده كلام الخسيس أن البشر وكل شىء عندى رخيص
تحت وطاطى إيا ك تسأل عن معنى الحروف
منعونا نفتح عيونا لجل مانشوف
بص تحت اقدامك وإياك
إياك
تسأل عن معنى الحروف
داسوا المبادئ والكرامة
ولجل ما يعيش السبع لازماً يبقى خروف
وعيش راضى وانت مطاطى
وحب على ايد الخسيس والواطى
وإمسك بـ ديل سيدك
اللى كان يوم من عبيدك
إبدا
يا بويا مش راح تشوف
ولدك ذليل
لجل كرامتك راح أموت قتيل
وسلاحى راح منهم يحمينى
شايله دايما ف يمينى
من غير بارود ولا فتيل
وإيمانى جوة قلبى
درع يحمى صدرى
حتى لو فرموا عضمى
راح
يبقى بذور
مزروعة جوة أرضك
ودمى راح يرويها
تنبت الف غيرى شايلين إسمك
وزى ما شقيت وموتّ زمان عشاننا
لازماً
ليك نرد الجميل
وأهو جه علينا الدور
ماهى
ساقية وبتدور
—
شاعر الصعيد
أيمن وهبة
Afw
مدونة اللى يعيش ياما يشوف
http://bshara2011.maktoobblog.com