يا غاليه عليا ونبض حياتى
يا حاسه بقلبى وسامعه سكاتى
والله على عينى
بُعدك يا نور عينى
أرجوكى سامحينى
يا نور لياليا
مكتوب على عينى
الدنيا ترمينى
وترّسى مراسيا
على بر مش ليا
كل اما اجيب سيرتك
بفتكر
الفرحه والاحزان وسهرى مع طيرى
قاتلنى خيال صورتك
وانتى
بالطرحه والفستان قاعده مع غيرى
عارف ساعتها هغير
لكنى عندى ضمير
وهسيبك مع غيرى
واطمن وارضى ضميرى
والدمعه والاحزان
هيبقوا خطوط سيرى
لا بأيدى ولا بأيدك
دى دنيا مالكانا
وراسمه سكتنا
نفرح تبكينا
نحلم تصحينا
نصرخ تسكتنا
نرسى تغرقنا
نوصل تتوه بينا
نعشق تفرقنا
وتشل خطوتنا
شعر/ رامى فايز
مع تحياتى
رامى فايز