[peter alaa]

قصيدة صوت الشهداء

اهداء الى كل نفس تحتاج تعزية فى شهداء نحع حمادى


حبيبى يسوع ياللى قابلتك فوق قبل ما اروح البيت
و طلبتك أشوفك فى القداس و أنت سمعت أوام لبيت
لآجلك انت أسيب الكل أول ما بشوفك لى ناديت

هو صحيح بطلقة نار فتحت قلبى يابوى نصين
موتنا يا بويا فى غمضة عين شفت أنا قلبك اللى لقيته كله حنين
موتنا يا بويا لآجل نعيش ابدية معاك انت يا بويا اللى اتمنيته سنين و سنين

أمى بتعمل فطار لكنى هافطر معاك و اشبع و انا بتملى فى رؤياك
معاريفش ليه يبكوا دا أنا عاوز أكون وياك
عم يلبسوا اسود و انا لابس الابيض اتمتع هنا برضاك

قول يا يسوع لبويا و أمى مايبكوا لحسن أنا ها أبكى و ما بريد أحزان
قولهم أنى معاك فى حضنك هنا فى أحلى مكان
كلها كام سنة و ييجوا يشوفوا ما لا يشوف أنسان
راح يفرحوا يا يسوع هانعيش مع الديان
اللى كله حنان اللى عنده أمان اللى ما ينسى انسان و لا طير و لا حيوان
دعانى أعيد معاه زعلانين لكن أنا أبدآ ما أكون زعلان

أنا زعلان على اللى ما شافوا يسوع و لا عرفوه
ورانى جراحاته صعبة قوى يا ولاد و على كدة قال انه سامح اللى صلبوه
هى على كدة و تركوه لا دول جروه ألقوا عليه البصاق عروه

لكنها أيام تفوت علينا بسلام أحب أنهى الكلام
علشان احنا هنا قاعدين مع العدرا أمنا و معانا سرب الحمام

وملايكة و قديسين ماسكينا بالاحضان بيقولوا طوباكم ياللى غلبتوا الموت
و نسبح القدوس بأجمل و أعلى صوت و يسوعنا يراعيكم يعزيكم و تورثوا الملكوت

اخوكم على رجاء القيامة
م/ وائل موريس

المصدر: †† ارثوذكس †† - من قسم: القسم الادبي