مساء الخير
نظر لتوجه الدوله للتحول الرقمي
دلوقتي اي مواطن بيطلب منه كعب عمل ضمن الاوراق المطلوبه للتعين في العمل
الاول كنت بتتجه لمكتب العمل والموظف بيملي استمارة خاصة بيك
حاليا مع التوجه الرقمي لما تروح مكتب العمل الموظف هيقولك سجل علي النت واحنا نطبع الكعب من هنا
في شوية نقط مهمه لازم تتعمل عشان الكعب يتسجل بطريقة صحيحه
الاول لو معاك مؤهل سواء عالي او متوسط
لازم يكون معاك صورة منه علي الاصل وانت رايح المكتب لان الموظف هيطلع عليه
خطوات التسجيل
1 كتابه الاسم رباعي في كل خانه مخصصه
وكتابة الرقم القومي وهيتسجل اتوماتيك تاريخ ميلاك للتأكيد ان الرقم صحيح
2 اختيار المستوي التعلمي
3 المهنه وهنا في ملحوظة مهمه في اغلب الاوقات مش هتلاقي المسمي الوظيفي الخاص بيك
علي سبيل المثال لو رايح تشتغل في خدمة عملاء مثلا للاسف الموقع لسا الوظايف الي موجوده مش متحدثه
طيب لو ملقتش المسمي الوظيفي نعمل ايه
مش صعبه وقتها هتكتب اقرب حاجة للمؤهل
مثال لو المؤهل مثلا ليسانس اداب يكتب مدرس حتي لو مش رايح تشتغل مدرس
ده بالنسبه للمؤهلات العليا
طيب لو مؤهل متوسط هنا تختلف لو مثلا مهنتك نجار او كهربائي مثلا لازم تعمل مستوي قياس مهارة وده بيتعمل من خلال مكتب العمل وبتروح تمتحن بالمهنه الي محتاج تكتبها وبعد كده تبقي تعمل كعب العمل
طيب لو انا مش عاوز الف الفه دي او اعمل قياس مهارة
في الحاله دي هتسجل نفسك عامل فقط في الحالة دي مش هتحتاج تعمل قياس مهارة
بعد ما تكتب المهنه
هتلاقي خانه العمل فيه
هتختار العمل في الكل
بعد كده هتكتب الحالة الاجتماعية في الخانات المخصصه
بعد كده هتسجل رقم التليفون
والخانه الي بعدها خاصة بالايميل حتي لو معندكش ايمل سجل اي ايميل
بعد كده هتسجل المحافظة والمركز والشياخة
وهيطلب منك اسم مستخدم ورقم سري
الاحسن تكتب في الاتنين الرقم القومي الخاص بيك لسهول تعديل البيانات في حالة اي خطأ
وبكده تكون خلصت التسجيل وتتجه لمكتب العمل الخاص بمنطقتك لاستخراج الكعب
بالتوفيق انشاء الله
لينك التسجيل
http://mom.manpower.gov.eg/Personal/Register