[سيزر الروش]

المشاركة الأصلية كتبت بواسطة twaty بالعكس الموضوع والكلمات جميلة اوى بجد وطريقة عرض الموضوع حلوة ان انت كل يوم تنزل حاجة مختلفة بجد تسلم ايدك وربنا يعوض تعب محبتك

كتر خير حضرتك يا توتى بجد للمحبة الى من اعماق قلب حضرتك دى وزى ما وعدتكم انى لما الاقى ردود كتير اكيد هنزل اكتر واكتر وبشكر حضرتك لتانى مرة لمحبتك


.................................................. .................................................. ....................................

لسه يادنيا بتسالينى
مش حاسس ليه بالهنا
لسه ناوية تجرحينى
وتسالينى مين انا
انا انسان دايما مجروح
عايش حياتى حلاوة روح
فتحت عناى على الم وجروح
والغدر فى عمرى وايامى
رصيده كبير وحساب مفتوح
كل مابعمل خير فى حياتى
الاقى غدر عايش بوضوح
* * *
كل مابرجع بزكرياتى
اسمع صوت اهات بتنوح
ودموعى دايما على الخد
مع انى مظلمتش حد
وعشت فى عمرى ظلم بجد
ومشيت ياما على الاشواك
مع انى مظلمتش حد والله مظلمتش حد
* * *
ولسة يادنيا بتسالينى مش حاسس ليه بالهنا
ولسه ناوية تجرحينى
وبتسالينى مين انا
انا اللى شوفت عذاب والام
غدر وظلم من الايام
عشت الغدر بكل الوانه
وانهدمت كل الاحلام
دايما بوفى عدو حبيب
وارجع اقول ياناس ده نصيب
ودايما عايش مجروح
* * *
والدنيا دايما نسيانى
نسيت عطفى حبى حنانى
وحتى لما بتفتكرنى
تجرجنى فى كل كيانى
انا جوايا عذاب وهموم
بتزيد يوم بعد اليوم
دايما ببكى نهارى وليلى
مع انى دايما مظلوم
مع انى دايما مظلوم
* * *
انا اسف يا اصحابى بجد
ماكنتش عاوز ازعل حد
لكن حلاوة الدنيا فى كده
بنعيشها
ضحكه ودمعه مع لعب وجد