حيرناك يا رب معانا
مش عارف ازاي ترضينا
ولا حاجة أبدا عاجبانا
في الحاضر أو حتى ماضينا
حيرناك يا رب معانا
في التجربة بنقولك ليه
تسمح لينا بالألم
ولو جه الفرح نبخل بيه
على روحنا ونقلبها غم
تسأل أمال عايزين ايه؟
فنظن انك مش مهتم
حيرناك يا رب معانا
ورغم كل اللي عملناه
لسه قادر تحتمل
لا ابن ليك ممكن تنساه
ولا تفقد فيه الأمل
حيرناك يا رب معانا
وده مش شيء غريب عليك
الحب هو أصل طبعك
ماشفناهوش ربي غير فيك
ولا لقيناه الا في قلبك
