كلمات من شفايف بنت مجروحة
كلمة اخيرة
يمكن يكون داة اخر كلام بنا
ويمكن بكرة تنسا ان احنا كمان اتقبلنا
بس انا عندى
كلمة اخيرة
فى قلبى
هقولها وبعدين همشى
وانا
نفسى انك تعرفها
بعنيك وقلبك تشوفها
من زمان من وانا لسة صغيرة
لحد اللحظة دى اللى احنا فيها النهاردة
عمرى فى حياتى كلها
ماشوفت حاجة زى كدة
انى كان ممكن احب
واحد كل الحب داة
حب حقيقى مفهوش لحظة شك
وانا النهاردة بقولك وبعترفلك
ان اكتر حب فى قلبى كان حبك
يمكن كان قبل منك
حاجات حصلت ما افتكرش انها تهمك
وكانت
قبل ما اشوفك وتعرفنى
كنت
عايشة فى دنيا فيها الخوف مخوفنى
وقبلت ناس بتعزنى وناس باردو بتكرهنى
كنت
بدور على انسان احبة ويحبنى
جوة قلبة وعنية الاتنين يشلنى
ولاة عمرة فى يوم من الايام يظلمنى
ويكون هو كل حياتى يعنى ااقرب ليا منى
ومتهيئلى داة كان من حئقى
زى اى بنت كدة من سنى
عرفت كام واحد
منهم
اصحاب يمكن
منهم
اعجاب يمكن
بس الاكيد مش حب صدقنى
ومفيش ولاة واحد فيهم
قدر يقرب يوم منى
منكرش ان كان فى كلام حلو فى رسالة
من انسان بعتها
وباردو مابكدبش لوقولت
عمرى ماحسيت كلمة حب من حد قالها
انا عشقتك انت عشق الجنون
كانت ديما روحى معاك فين ماتكون
وعمر ماجة فى بالى حتى فى يوم
ان ممكن لحظة قلبك عليا يهون
كانت اجمل لحظات عمرى وانا معاك
واول مرة احس بشوق كان احساسى بهواك
واول ايد تلمس ايديا كانت ايدك ايد الملاك
واخر دموع هتبكيها عنايا هتكون عليك
ولو خيرونى بين الحياة والموت
هختار الموت لوكان فى رضاك
انت الانسان اللى انا حبتة بجد
ومكنش فى قبلك فى حياتى فى حد
وبعدك انت خلاص يموت بستان الورد
انت الفراحة اللى الدنيا حرمتنى منها
وانت اخركلمة للحب اتقالت فى زمنها
وانت شمس الغروب اللى مشيت قبل اونها
اوعدنى قبل ما امشى
استنا ما تتكلمشى
انا لسة كلامى
ماخلصشى
اوعدنى
انك عمرك ماهتنسانى
هتغيب تغيب وترجعلى تانى
مهما شوفت فى الدنيا عجب
ومهما سمعت من كلام الحب دهب
باردو خلينى انا الوحيدة اللى فى القلب
اوعدنى
مع كل شمس نهار تغيب اكون فى خيالك
وانا كفاية عليا بس انى احس انى لسة على بالك
اوعدنى
انك ماتفكرش فى اللى فات
ولو فكرت فكر ساعات وساعات
اوعدنى
انك ديما هتفتكرنى
بالحلو بس اتكلم عنى
وخلى بالك من نفسك
عشان نفسك تهمنى
واوعى فى يوم تنسا
ان انت كنت منى
اوعدنى
ان السنين ماتغيركش
والحب اللى بنا مايموتش
ولاة تيجى لحظة عليك وقلبك يقولك
دة مابيحبكش
واوعا تفكر فيا بالشر او الوحش