[emmmy]

لو قوتك كانت سلاحك
احنا الموت مش بيهمنا ..

لو فاهم بموتنا أنك بتخدم ربنا
تبقى غلطان ده بغباءك بتوصلنا للسما
بص بعنيك أصغر طفلة متألمة
بتقولك كمان داحنا أبونا ربنا..

ثورة غضب فى كل واحد مننا
كفاية حرام مش عايزين غير حقنا
جوه الكنيسة يوم الميلاد يوم فرحنا
يبقى سواد تغرق كنيستنا من دمنا ..

ثورة غضب فى كل واحد مننا
الضربة جامدة كسرت فينا ضهرنا
الضربة صعبه مين يتحمل حزننا
الضربة صدمة غدرت بأغلى ماعندنا ..

يادموع كفايه فى رب يدافع عننا
يادموع كفايه فى رب شايف ظلمنا
يادموع كفايه يسوع بنفسهُ قالنا
فى العالم سيكون لكم ضيق لكن ثقوا انا قد غلبت العالم
.........................................

من النهاردة هاتكونى شاهده
من السنادى ولكل السنين
بقوا على أسمك زيك
يا كنيسة القديسين
كل اللى ماتوا عندك .. بالدم على حيطانك أساميهم
بقوا شهداء وفى مجدك .. يوماتى هانتشفع بيهم
ياكنيستى هاتكونى قويه .. وعزاءنا هايكون فى وجودك
فى الارض هاتتقطع اجسادنا .. وفى السما هايطيبها يسوعك

اللة
اللة يا عماد اللة اد اية كلنا محتاجين الكلمات دى
اد اية كلنا متشوقين للعزاء دة مش ممكن روعة كلماتك دى
حقيقى انا مش عارفة اقتبس جزء واعبر عن اعجابى بية لانى القصيدة كلها جميلة اوى اوى مرسى يا عماد مرسى بجد كتيرررر

استاذ ايمن الغضب فى حد ذاتة طبيعى فى موقف زى دة
قوبنا بتتكوى بنار الظلم والغضب وانت رافض الغضب مع انك لسة قايل لا تغرب الشمس على غيظكم اهو يعنى معنى كدة ان الغضب مطلوب وطبيعى وربنا كان عارف انة هيكون موجود وطبيعى بس المهم اننا منفقدشى سلامنا وايمانا ومبادئنا
يا بختك بهدوءك دة يا استاذ ايمن
ربنا مالى قلبك سلام عجيب ملوش حدود