بالخير ابقى افتكرنى
ياللى بتقتلنى دموعك وحياة عينيك متبكيش
لو هتبكى يبقى ضاعت كل حاجةعشانها بعيش
محدش يستاهل دموعك خليك اقوى من هواك
ومعايا منك الف ذكرى لايام كنت عايشها معاك
سامحنى كان نفسى اعيش جمبك بس مش بايديا
كل حاجة فى بعدك هتجرحنى حتى قلبى هيجى عليا
مبقاش رجوع وقت الدموع راح وفات
خلاص ياقلبى حبيبنا عايش واسمه مات
للمرة الاخيرة وقبل مامشى واودعك
اعرف حبيبى انا عمرى مافكرت اخدعك
مش هاقول وداع مانا حالف عمرى ماقولها
بس هاقول سلام يااحلام كنت بتمنى اكملها
وانا دايما فاكرك حبيبى وانت خليك فاكرنى
وان كان قدرنا نبعد بالخير ابقى افتكرنى