دقت كتير الام ومرار
حلفت ماترجع ليه ولا عينك تانى تقابل عينيه
قفلت بابك وقلت خلاص دى كانت النهاية
ضعفت قصاده تانى ليه؟
حنيتله بس تانى ليه؟
نسيت جرحه وعذابه؟
ولا نسيت مراره والامه؟
دبت تانى من كلمة منه
حنيت وضعفت وقلت بحبه
اصحى بقى ياقلبى وفوق
هاتتجرح تانى وتانى ولا هايفيد الرجوع
انا حذرتك منه زمان وانت قلت ده حبيب الروح
ورجعت شكيتلى منه وقلت ده اللى ملانى جروح
راجعله تانى بقى ليه؟
وحشك العذاب ولا الجرح؟
وحشك السهر ولا البعد؟
اصحى بقى ياقلبى وفوق
قبل ما ترجع تشكيلى وتقول مجروح
وساعتها ماهايفيد حتى الرجوع