ايه رايكم لو فكرنا كلنا مع اقتراب نهايه العام اللى احنا فيه ان احنا نبدا فى اعادة تقييم لنفسنا فى كل اللى عملناه فى الفترة اللى فاتت
وقد ايه احزنا ربنا فيها بافعالنا وتصرفاتنا وقد ايه اسائنا فيها لناس بنحبهم ونحترمهم حتى ولو كان بدون قصد
وقد ايه فقدنا ناس كتير بسبب افعالنا وتصرفاتنا
وقد ايه كل واحد فينا موش راضى عن نفسه
دعوة لينا كلنا ان احنا نبدأ من جديد
دعوة لكى نتصالح مع انفسنا ومع من اخطأنا معهم
دعوة من اجل الحب الذى اعطانا اياه رب المجد يسوع
دعوة من اجل ان نجلس ونكتشف الاسباب التى ادت بنا الى هذه الحاله التى لم نعد راضيين فيها عن انفسنا
يا ريت بجد كل واحد فينا يجلس مع نفسه جلسه مصارحه تنتهى بالمصالحه
وانا اولكم كم اخطات الى اناس احبهم واحترمهم واقدرهم
وكم من مرة خسرت فيها اخ او اخت او صديق بسبب غباوتى وعنادى كم من مرة احزنت فيها فاديا كم من مرة اغضبت الاخرين منى
واليهم اوجه هذا النداء ان يغفروا لى اخطائى وان يسامحونى على ما فعلته من اخطاء فى حقهم وارجو منهم ان يقبلونى اخ لهم من جديد
واعد الجميع بمعونه من الهى ان ابدأ مع الجميع صفحة بيضاء ناصعه البياض طالبنا منهم انه كما غفر المسيح لنا زلاتنا ان يغفروا هم ايضا لى زلاتى حتى يغفرها لى الهى
وسوف انسى كل من اهاننى او تسبب فى زعلى او غضبى سوف انسى كل هذا وابدأ من جديد
تعالوا كلنا نرجع روح الحب والمودة اللى كانت موجودة بينا
تعالوا نحاسب نفسنا قبل ان يحاسبنا الديان العادل