خلاص كرهتك وبعتك من زمان
مش باقى عليكى ولا باقى على الايام
ولا هابكى عليكى ولا على نفسى
ولو ضحكتيلى هقولك انسى
من يوم ما دخلتك وانا كلى هموم
يوم تعب يوم نكد ويوم مغموم
بيقولوا العيب مش فيكى لا ده العيب فينا
طب بزمتك جيتى فى يوم بكيتى علينا
نفسى فى يوم انام والبال مرتاح
ياللى قلبتى صباحى مسا ومسايا صباح
حرام عليكى يا دنيا يا جباره
خليتى الكون كله بالنسبالى حاره
طب انا هقولك حل وياريت يعجبك
لو خرجت منك تسيبينى واوعدك
مش هعتبك يوم ولا هرجعلك تانى
وان رجعتلك ابقى انا على نفسى الجانى
اعملى فيا اللى تؤمرينى بيه
بس هتعملى ايه اكتر من اللى عملتيه
طب اروح فين منك واجى منين
اقولك ربنا يسامحك ومتشكرين