ياة السنة خلصت
كلها ساعات وتنتهى السنادى
وفينا اللى هايقول طيب عادى
وفينا اللى هايستقبل ميلاد الفادى
وشوية هايروحوا الكنائس وقلب بادى
وشوية هايسهروا للصبح فى النوادى
ياة السنة خلصت
وشكل الزينة فى البيوت تحفة تتصور
اشى بيلمع واشى بينور واشى مزور
وطراطير وشرب ورقص وناس بتتعور
وناس تقوم تروح على نفسها تدور
واول السنة نحكى وعلى بعض نحور
واللى عاوز لبس من الاسعار بيتحير
واللى عاوزة خزين العيد تفترى وتتخير
وتمشى سنة وتيجى سنة ولا شئ بيتغير
ياة السنة خلصت
هو دة استقبلنا للسنة المسيحية
مش بنفكر غير فى متعة ارضية
ونسينا طفل المذود لينا اعظم هدية
العالم خدنا ونسينا موعد مجئ المسيا
اللى اتى وخلص وفدى كل البشرية
ولا بنفكر فى توبة ولا حياة ابدية
فى موعد ميلادة برضة نعيش العيشة دية
ياة السنة خلصت
بقلمى ....ميلاد....30/12/2010