[عماد حسنى]

نقطه دم

مأبقتش مستنى حد !! يسأل عليا
ولا مستنى مين . يوآسى فيا
أنا مستنى رب 0 عارف اللى بيا
مستنى إيد0 تمسح دموع عينيا

من كام سنه وحبك ياربى بعته
من كا سنه وصليبك انا ضيعته
دلوقتى أهو قدامى اللى زرعته
أنا بحصده بجنى اللى ياما عملته

من غير كلام . بجرى قوام . بنحنى وكلى وجوع
خسرت نفسى . أتملكنى يأسى . محتاجلك اوى ياربى يسوع
محتاج إيديك . أترمى عليك . وأبكى بدموع
محتاج تقولى . أبكى ياابنى . وأحكي الموضوع

اصل تعبت . تعبت بجد . وجربت كل حاجه تحلالى
كل اللى شوفته . يارتنى ما عرفته . وزود أحمالى
أروح لمين . وأنت المعين وصوره حضنك دايما قُبالى
أفتح إيديك . وخدنى ليك محتاج . لحضنك مش حضن تانى

وأجى بسكات . أبكى بآهآااااااااااات وأقولك مالى
أقولك ياربى اللى أنت عارفه . أشكيلك كل تعبىّ وحالى
اقولك ياربى . انا بين إيديك . ورحمتك ده فوق خيالى
مش مستنى ضعف . بشرى أحساسه دايماً بيكون أنانى

كل اللى فات احزان وآلآم . كان بأختيارى
كان قدامى طريقك انت ومشيت بنفسى لطريق تانى
طريق مليان زيف مش حنان . ولا مره أدانى
مشيت ضرير وتاه المصير ،ونسيت عنوانى

بس لسه عشمان فى نقطه .. تغير حياااتى
نقطه..تمحى تمسح تنقى .. كل زلاااااااااااتى
نقطه من دمك .. تخلينى أبنك تعيد كيااااانى
نقطه دم من فوق صليبك تحيينى تااااانى

المصدر: †† ارثوذكس †† - من قسم: القسم الادبي